உங்கள் முகத்தில் இருக்கும் கரும்புள்ளிகள் மற்றும் கருவளையங்களை அகற்ற அரிசி மாவை எப்படி பயன்படுத்துவது?

13 February 2020, 4:49 pm
Ways to Use Rice Flour for Skin and Hair
Quick Share

முதல்  முறை: மென்மையான சருமத்திற்கு அரிசி மாவு மற்றும் கிரீன் டீ

Ways to Use Rice Flour for Skin and Hair

கிரீன் டீயில் உள்ள ஆன்டிஆக்ஸிடன்ட்கள் சேதமடைந்த சருமத்தை சரிசெய்ய உதவுகின்றன, அதே நேரத்தில் அரிசி மாவில் உள்ள ஊட்டச்சத்துக்கள் சருமத்தை செல்களை வளர்க்கின்றன, மேலும் இது சருமத்தை மென்மையாகவும், ஆரோக்கியமாகவும் இருக்க செய்கின்றன.

எப்படி உபயோகிப்பது:

இரண்டு தேக்கரண்டி அரிசி மாவு எடுத்து ஃப்ரெஷான கிரீன் டீ உடன் சேர்த்து மென்மையான பேஸ்ட் ஆக தயாரிக்கவும். சில துளிகள் எலுமிச்சை சாறு சேர்த்து நன்கு கலக்கவும். சுத்திகரிக்கப்பட்ட தோலில் இந்த ஃபேஸ் பேக்கை தடவி 20 நிமிடங்கள் உலர விடவும். பின்னர், அதை சாதாரண தண்ணீரில் கழுவவும். இதை வாரத்திற்கு மூன்று முறை பயன்படுத்தி வாருங்கள்.

இரண்டாவது முறை: முகப்பரு மற்றும் கருவளையங்களுக்கு சிகிச்சையளிக்க அரிசி மாவு மற்றும் மஞ்சள்

Ways to Use Rice Flour for Skin and Hair

அரிசி மாவின் அழற்சி எதிர்ப்பு பண்புகள் முகம் சிவந்து போவதை குறைப்பதற்கும், முகப்பருவுக்கு சிகிச்சையளிக்கவும் உதவுகிறது. மறுபுறம், மஞ்சளின் ஆண்டிசெப்டிக் பண்புகள் பாக்டீரியா தொற்றுநோயைத் தடுக்கின்றன மற்றும் சிகிச்சையளிக்கின்றன. தக்காளி சாற்றில் உள்ள நொதிகள் கரும் புள்ளிகளை ஒளிரச் செய்கின்றன.

எப்படி உபயோகிப்பது:

இரண்டு தேக்கரண்டி அரிசி மாவு எடுத்து அதில் ஒரு சிட்டிகை மஞ்சள் தூள் சேர்க்கவும். மென்மையான பேஸ்ட் போன்று செய்ய தக்காளி சாறு சேர்க்கவும். தேயிலை மர அத்தியாவசிய எண்ணெயில் சில துளிகளையும் நீங்கள் சேர்க்கலாம். பாதிக்கப்பட்ட சருமத்தின் மீது தயாரிக்கப்பட்ட பேஸ்ட்டை தடவி 20 நிமிடங்கள் உலர விடவும். பின்னர், அதை சாதாரண தண்ணீரில் கழுவவும்.

மூன்றாவது முறை: ஒளிரும் சருமத்திற்கு அரிசி மாவு மற்றும் ஆரஞ்சு தோல்

Ways to Use Rice Flour for Skin and Hair

அரிசி மாவு மற்றும் ஆரஞ்சு தோல் இரண்டும் சரும ஒளிரும் பண்புகளைக் கொண்டுள்ளன. அதே போல் தயிரில் உள்ள இயற்கை அமிலங்களும் இறந்த சரும செல்களை வெளியேற்றி சருமத்தை பளபளப்பாக்குகின்றன.

எப்படி உபயோகிப்பது:

அரிசி மாவு மற்றும் ஆரஞ்சு பழ தோல் பவுடரை சம அளவு எடுத்துக் கொள்ளுங்கள். மென்மையான பேஸ்ட் போன்று செய்ய தயிர் சேர்க்கவும். இந்த பேஸ்டை சருமத்தை நன்கு கழுவிய பிறகு தடவி 20 நிமிடங்கள் உலர விடவும். பின்னர், அதை சாதாரண தண்ணீரில் கழுவவும். அதிகபட்ச நன்மைகளுக்காக வாரத்திற்கு இரண்டு முறையாவது இதை தொடர்ந்து செய்யவும்.

கருவளையங்களுகு சிகிச்சையளிக்க அரிசி மாவு மற்றும் வாழைப்பழம்

Ways to Use Rice Flour for Skin and Hair

அரிசி மாவு சருமத்தை உறுதிப்படுத்த உதவுகிறது, அதே நேரத்தில் வாழைப்பழம் கண் கீழ் பகுதியை பொலிவுற செய்கிறது மற்றும் ஈரப்பதமாக்குகிறது. அரிசி மாவுடன் வாழைப்பழத்தை சேர்ப்பது கருவளையங்களை மற்றும் முகத்தில் தோன்றும் கோடுகளுக்கு மிகச் சிறப்பாக சிகிச்சை அளிக்கும்.

எப்படி உபயோகிப்பது:

அரை வாழைப்பழத்தை பிசைந்து, தேவையான அளவு அரிசி மாவு சேர்த்து மென்மையான பேஸ்ட் ஆக செய்யுங்கள். தேங்காய் எண்ணெயில் சில துளிகள் சேர்த்து எல்லாவற்றையும் நன்றாக கலக்கவும். தேங்காய் எண்ணெய்க்கு மாற்றாக ஆமணக்கு எண்ணெயையும் பயன்படுத்தலாம். கருவளையங்களுக்கு திறம்பட சிகிச்சையளிக்க கண் பகுதிக்கு கீழ் இந்த கண் மாஸ்க்கைப் பயன்படுத்துங்கள். ஒரு நாள் விட்டு ஒரு நாள் இதை தொடர்ந்து செய்யுங்கள்.