டிசம்பர் 31 வரை காலக்கெடு நீட்டிப்பு..! ஆண்டு வருடாந்திரக் கூட்டங்களை நடத்த நிறுவனங்களுக்குத் தளர்வு..! மத்திய அரசு அதிரடி..!

9 September 2020, 12:49 pm
Amit_Shah_UpdateNews360
Quick Share

கொரோனாவால் கடந்த சில மாதங்களாக அமலில் இருந்த ஊரடங்கு தற்போது தளர்த்தப்பட்டு வரும் நிலையில், நிறுவனங்களுக்கு அதிக நேரம் வழங்கி, 2019-20 நிதியாண்டிற்கான வருடாந்திர பொதுக் கூட்டங்களை நடத்துவதற்கான காலக்கெடுவை டிசம்பர் 31 வரை அரசாங்கம் நீட்டித்துள்ளது. 

கார்ப்பரேட் விவகார அமைச்சகம் முறையான விண்ணப்பத்தை தாக்கல் செய்யாமலும், கட்டணம் செலுத்தாமலும் இது தொடர்பாக உத்தரவுகளை பிறப்பிக்குமாறு நிறுவனங்களின் பதிவாளர்களிடம் கேட்டுக் கொண்டுள்ளது.

ஏற்கனவே தாக்கல் செய்யப்பட்ட விண்ணப்பங்கள் அங்கீகரிக்கப்படாமல் அல்லது நிராகரிக்கப்பட்டிருக்கும் நிறுவனங்களுக்கும் இந்த சட்டத்தை செயல்படுத்த அமைச்சகம் பரிந்துரைத்துள்ளது.

கொரோனா வைரஸ் தொற்றுநோயைத் தொடர்ந்து இந்த தளர்வு வழங்கப்படுகிறது. ஏஜிஎம்களை நடத்துவதற்கான நேரத்தை நீட்டிக்க பல்வேறு சங்கங்களிலிருந்து கோரிக்கை வந்துள்ளது என்று அந்த அறிக்கையில் தெரிவிக்கப்பட்டுள்ளது.

செப்டம்பர் 30 முதல் டிசம்பர் 31 வரை ஆண்டு பொதுக் கூட்டங்களை (ஏஜிஎம்) நடத்துவதற்கான காலக்கெடுவை நீட்டிப்பதன் மூலம் சுமார் 12 லட்சம் நிறுவனங்களுக்கு ஒரு பெரிய நிவாரணம் வழங்கப்பட்டுள்ளது.

Leave a Reply