உலகின் மிக உயரமான ரயில் பாலம்..! ஜம்மு காஷ்மீரின் செனாப் நதியில்..! அடுத்த ஆண்டில் செயல்பாட்டுக்கு வருகிறது..!

3 August 2020, 8:32 pm
Chenab_Bridge_UpdateNews360
Quick Share

ஜம்மு-காஷ்மீரில் உள்ள செனாப் ஆற்றின் மீது உலகின் மிக உயர்ந்த ரயில் பாலம் அடுத்த ஆண்டுக்குள் தயாராகிவிடும். மேலும் 2022’ஆம் ஆண்டளவில் முதல் முறையாக ரயிலில் காஷ்மீர் பள்ளத்தாக்கை இந்தியாவின் பிற பகுதிகளுடன் இணைக்கும் என்று அதிகாரிகள் தெரிவித்தனர். 

467 மீட்டர் மைய இடைவெளியைக் கொண்ட இந்த பாலம் 359 மீட்டர் உயரத்தில் கட்டப்பட்டு வருகிறது. டெல்லியில் உள்ள குதூப் மினாரின் உயரம் 72 மீட்டர் மற்றும் பாரிஸில் உள்ள ஈபிள் கோபுரத்தின் உயரம் 324 மீட்டர்.

“இது உலகின் மிக உயரமான ரயில்வே பாலம் மற்றும் பாலத்திற்கான அதிகபட்சமாக வடிவமைக்கப்பட்ட காற்றின் வேகம் 266 கிமீ வேகம்” என்று அரசாங்கத்தின் மூத்த அதிகாரி ஒருவர் தெரிவித்தார். கடந்த ஒரு வருடத்தில் மத்திய அரசின் உயர்மட்ட அதிகாரிகளின் நேரடி மேற்பார்வையின் கீழ் பாலத்தின் கட்டுமான பணிகள் துரிதப்படுத்தப்பட்டன என்று அந்த அதிகாரி தெரிவித்தார்

திட்டங்களின்படி, டிசம்பர் 2022’க்குள் காஷ்மீர் ரயிலுடன் இணைக்கப்படும். உத்மாபூர்-கத்ரா (25 கி.மீ) பிரிவு, பானிஹால்-குவாசிகுண்ட் (18 கி.மீ) பிரிவு மற்றும் குவாசிகுண்ட்-பாரமுல்லா (118 கி.மீ) பிரிவு ஏற்கனவே இயக்கப்பட்டன. கடைசியாக மீதமுள்ள பிரிவு, 111 கி.மீ கத்ரா-பானிஹால் பிரிவு தற்போது செயல்படுத்தப்பட்டு வருகிறது. 

இது 2022 டிசம்பரில் நிறைவு செய்ய இலக்கு வைக்கப்பட்டுள்ளது. இந்த திட்டத்திற்காக நவம்பர் 7, 2015 அன்று அறிவிக்கப்பட்ட ரூ 80,068 கோடி பிரதமரின் மேம்பாட்டு தொகுப்பின் (பி.எம்.டி.பி.) கீழ் பல்வேறு திட்டங்களை செயல்படுத்த கடந்த ஒரு வருடத்தில் அதிக உந்துதல் ஏற்பட்டுள்ளது என்று அந்த அதிகாரி தெரிவித்தார். இந்த தொகுப்பு சமூக-பொருளாதார உள்கட்டமைப்பை வலுப்படுத்துவதற்கும் ஜம்மு-காஷ்மீரின் பிராந்திய அபிவிருத்திக்கும் உதவும்.

இந்த திட்டம் நடைமுறையில் ஒவ்வொரு துறையையும் தொடுகிறது மற்றும் அடிப்படை உள்கட்டமைப்பில் பெரிய முதலீடுகளை வழங்குகிறது என மற்றொரு அதிகாரி கூறினார்.

2019 ஆகஸ்டில் ஜம்மு-காஷ்மீர் மறுசீரமைக்கப்பட்ட பின்னர், ஜம்மு-காஷ்மீர் பிரதேசத்தில் பி.எம்.டி.பி.யின் கீழ் 54 திட்டங்களுக்கு 58,627 கோடி ரூபாய் செலவிடப்பட்டது. ரூ 21,441 கோடி செலவினத்துடன் மொத்தம் ஒன்பது திட்டங்கள் லடாக் யூனியன் பிரதேசத்துக்கு மாற்றப்பட்டன.

“ஜூன் 2018 முதல் குறிப்பாக கடந்த ஒரு வருடத்தில் பி.எம்.டி.பி.யின் பணிகள் விரைவான மற்றும் முன்னோடியில்லாத வகையில் மேம்பட்டுள்ளது” என்று அந்த அதிகாரி கூறினார்.