வேண்டுதல் நிறைவேறணும்… திருப்பதி கோவிலில் ரவி மோகன்… கூடவே அவங்களும் வந்திருக்காங்க..!

ஜெயம் படம் மூலம் ரசிகர்களை கவர்ந்த நடிகர் ரவி மோகன் தொடர்ச்சியாக பல ஹிட் படங்களை கொடுத்து முன்னணி நடிகரானார். பேராண்மை படம் மூலம் சிறந்த நாயகனாக வலம் வந்தார்.

தொடர்ந்து சினிமா தயாரிப்பாளரின் மகளை திருமணம் செய்த ரவி, 2 மகன்களுக்கு தந்தையும் ஆனார். ஆனால் நன்றாக சென்று கொண்டிருந்த இவர்கள் வாழ்க்கை தற்போது விவாகரத்து கேட்டு நீதிமன்றம் வரை வந்துவிட்டது.

ஒரு பக்கம் வழக்கு நடந்து கொண்டிருந்தாலும், பாடகி கெனிஷாவுடன் அவர் வசித்து வருவது பல யூகங்களை கிளப்பியது. ஆனால் இருவரும் நண்பர்கள் என தொடர்ந்து கூறிக் கொண்டு வருகின்றனர்.

இருப்பினும், இருவரும் ஒன்றாக ஊர் சுற்றுவது, பொது நிகழ்ச்சிகளில் கலந்து கொள்வது வாடிக்கையாகிவிட்டது. முன்னாள் மனைவி பல குற்றச்சாட்டுகளை அடுக்கினாலும் பதிலுக்கு ரவி மோகனும் முன்னாள் மனைவி மீது பல்வேறு புகார்களை மாறி மாறி கூறி வருகின்றனர்.

இந்த நிலையில் திருப்பதி ஏழுமலையான் கோவிலில் சுவாமி தரிசனம் செய்த நடிகர் ரவி மோகன், உடன் கெனிஷாவுடன் கைக்கோர்த்தபடி வந்துள்ளார்.

நேற்று இரவு திருமலைக்கு வந்த நடிகர் ரவி மோகன் – கெனிஷா, இன்று காலை கோவிலுக்கு சென்று விஐபி பிரேக் தரிசனம் மூலம் சாமி கும்பிட்டார்.

சாமி கும்பிட்ட பின் அவருக்கு தீர்த்த பிரசாதங்கள் வழங்கப்பட்ட நிலையில் வேத பண்டிதர்கள் வேத ஆசி வழங்கினர்.