மீண்டும் காதலில் விழுந்த சித்தார்த்… இந்த முறை இவங்களா?.. நீண்டநாள் கிசுகிசுக்கு முற்றுப்புள்ளி.. அவரே வெளியிட்ட போட்டோ..!

இயக்குநர் ஷங்கர் இயக்கத்தில் உருவான பாய்ஸ் படத்தின் மூலம் அறிமுகமானவர் சித்தார்த். நடிகராக மட்டுமின்றி மணிரத்னத்திடம் உதவி இயக்குநராகவும் பணியாற்றியுள்ளார். பாய்ஸ் படத்தின் வெற்றிக்கு பிறகு தொடர்ந்து பல படங்களில் நடித்த சித்தார்த் தமிழின் கவனிக்கத்தக்க நடிகர் ஆனார்.

தமிழ் மட்டுமின்றி டோலிவுட்,பாலிவுட்டிலும் நடித்திருக்கிறார் அவர். நடிப்பது மட்டுமல்லாமல் பொது வெளிகளில் தனது கருத்தை யாருக்கும் பயப்படாமல் கூறும் சித்தார்த் பாராட்டையும், விமர்சனத்தையும் ஒரேநேரத்திலும் சந்தித்திருக்கிறார். சமந்தா விவாகரத்து ஆன சமயத்தில்கூட சித்தார்த் பதிவிட்ட ட்வீட் ஒன்று பல்வேறு விமர்சனங்களைச் சந்தித்தது.

இந்தச் சூழலில் திரையுலகத்திலிருந்து விலகப்போவதாக சித்தார்த் சமீபத்தில் தெரிவித்திருந்தார். இதற்கிடையே தனது மனைவியை விவாகரத்து செய்த சித்தார்த் சமந்தாவுடன் காதலில் இருந்ததாக கூறப்பட்டது. இருவரும் பல வெளிநாடுகளுக்கு ஒன்றாக சென்றுவந்த சூழலில் இருவருக்கும் ஏற்பட்ட கருத்து வேறுபாடு அவர்களது காதலை முடிவுக்கு கொண்டு வந்ததாகவும் தகவல் வெளியானது.

இந்நிலையில் சித்தார்த் தற்போது மீண்டும் காதலில் விழுந்திருப்பதாக தகவல் வெளியாகியுள்ளது. இந்த முறை அவர் அதிதி ராவை காதலிப்பதாக பாலிவுட்டில் பேச்சு எழுந்திருக்கிறது.

சித்தார்த் இதற்கு முன்பு பல நடிகைகள் உடன் காதல் கிசுகிசுவில் சிக்கி இருக்கிறார். அவர் தற்போது காற்று வெளியிடை பட நடிகை அதிதி ராவ் உடன் ரிலேஷன்ஷிப்பில் இருப்பதாக கிசுகிசுக்கப்பட்டு வருகிறது. கடந்த ஆண்டு வெளியான மகா சமுத்திரம் படத்தில் சித்தார்த்தும், அதிதி ராவும் இணைந்து நடித்தனர். அந்த சமயத்தி இருவருக்கும் ஏற்பட்ட பழக்கம் நெருக்கமாகி காதலில் வந்து நிற்பதாக கூறப்படுகிறது.

அதை கிட்டத்தட்ட உறுதி செய்யும் விதமாக அவர் தற்போது வெளியிட்டு இருக்கும் போட்டோ வைரல் ஆகி இருக்கிறது. அதிதி ராவுக்கு 36வது பிறந்தநாளை என்பதால் அவருக்கு வாழ்த்து சொன்ன சித்தார்த் “Princess of Heart” என குறிப்பிட்டு இருக்கிறார்.

அவர்கள் நெருக்கமாக இருக்கும் போட்டோவை பார்த்து நெட்டிசன்கள் அவர்கள் காதலிப்பது உண்மைதானா என கேட்டு வருகிறார்கள்.

View this post on Instagram

A post shared by Siddharth (@worldofsiddharth)

Views: - 422

0

1