மீண்டும் கார் பந்தயத்துக்குச் செல்லும் அஜித்? அப்போ நடிப்புக்கு Full Stop ஆ? அங்கதான் ஒரு டிவிஸ்ட்!

கார் பந்தயத்தில் ஈடுபாடு

அஜித் குமார் தற்போது பல நாடுகளில் கார் பந்தயங்களில் ஈடுபாடு காட்டி வருகிறார். தனது அணியுடன் பல பந்தயங்களில் கலந்துகொண்டு பல  பரிசுகளையும் வென்று சாதனை படைத்து வருகிறார். எனினும் அவர் எப்போது மீண்டும் சினிமாவில் நடிக்க வருவார் என்று அவரது ரசிகர்கள் ஏங்கிக்கிடந்தனர். அந்த வகையில் வருகிற நவம்பர் மாதம் முதல் தனது அடுத்த திரைப்படத்தின் படப்பிடிப்பில் கலந்துகொள்ளப்போவதாக அஜித்குமார் கூறினார். 

மீண்டும் ஆதிக் ரவிச்சந்திரன்

அஜித்குமாரின் முந்தைய படமான “குட் பேட் அக்லி” திரைப்படத்தை இயக்கிய ஆதிக் ரவிச்சந்திரனே அஜித்தின் 64 ஆவது திரைப்படத்தையும் இயக்க உள்ளதாக ஓரளவு அதிகாரப்பூர்வ தகவல்கள் வெளிவருகின்றன. அந்த வகையில் நவம்பர் மாதம் இத்திரைப்படத்தின் படப்பிடிப்புத் தொடங்கப்பட உள்ளதாக ஒரு புதிய தகவல் வெளிவந்துள்ளது. 

மேலும் இத்திரைப்படத்தை வேல்ஸ் இன்டெர்நேஷனல் ஐசரி கணேஷ் தயாரிக்க உள்ளதாகவும் கூறப்படுகிறது. இத்திரைப்படத்திற்காக அஜித்குமார் இந்த ஆண்டு நவம்பர் முதல் அடுத்த ஆண்டு பிப்ரவரி வரை கால்ஷீட் கொடுத்திருக்கிறாராம். 

மீண்டும் கார் பந்தயம்

அடுத்த ஆண்டு பிப்ரவரியில் தனது 64 ஆவது திரைப்படத்தின் படப்பிடிப்பை முடித்துவிட்டு மீண்டும் கார் பந்தயங்களில் கலந்துகொள்ளப்போகிறாராம் அஜித்குமார். இவ்வாறு இடைவெளி விட்டு விட்டு அஜித்குமார் தனது படங்களில் நடிப்பது அவரது ரசிகர்களுக்கு சோகத்தை ஏற்படுத்தியுள்ளது. அடுத்த ஆண்டு மார்ச் மாதம் மீண்டும் கார் பந்தயங்களில் கலந்துகொள்ளும் அஜித்குமார் அதன் பின் எப்போது மீண்டும் சினிமாவுக்கு வருவாரோ? என்று ரசிகர்கள் மீண்டும் ஏங்கத்தொடங்கியுள்ளனர்.