தவறாக பரப்பப்பட்ட வதந்தி; 6 மாதங்கள் பட வாய்ப்புகள் வராமல் அவதிப்பட்ட அனுபமா?

தமிழ், மலையாள சினிமா உலகில் மிகப் பிரபலமான நடிகையாக வலம் வருபவர் அனுபமா பரமேஸ்வரன். “பிரேமம்” திரைப்படத்தின் மூலம் இளைஞர்களின் உள்ளங்களை கொள்ளை கொண்ட அனுபமா, மலையாளம், தெலுங்கு ஆகிய மொழிகளில் பல திரைப்படங்களில் நடித்து வருகிறார். தமிழில்  “கொடி”, “தள்ளிப்போகாதே”, “சைரன்”, “டிராகன்” ஆகிய திரைப்படங்களில் நடித்துள்ள அனுபமா பரமேஸ்வரன் தற்போது மாரி செல்வராஜ் இயக்கத்தில் “பைசன் காளமாடன்” என்ற திரைப்படத்தில் நடித்துள்ளார். இத்திரைப்படம் தீபாவளியை முன்னிட்டு வெளியாகவுள்ளது. 

இந்த நிலையில் சமீபத்தில் ஒரு பேட்டியில் பேசிய அனுபமா பரமேஸ்வரன், தவறாக பரப்பப்பட்ட வதந்தியின் மூலம் 6 மாதங்களாக பட  வாய்ப்புகள் இல்லாமல் இருந்ததாக கூறியுள்ளார். இது குறித்து அவர் பேசியபோது, “ரங்கஸ்தளம் படத்திற்காக இயக்குனர் சுகுமார் என்னை அணுகினார். அப்படத்தில் நடிப்பதாகவும் இப்புக்கொண்டேன். ஆனால் அவர்கள் திடீரென எனக்கு  பதிலாக வேறு ஒரு நடிகையை ஒப்பந்தம் செய்துவிட்டார்கள். 

ஆனால் நான்தான் அந்த படத்தை நிராகரித்ததாக வதந்திகள் பரவியது. இதன் காரணமாக நான் 6 மாதங்கள் வீட்டில் வேலை இல்லாமல் இருந்தேன்” என கூறியுள்ளார். இப்பேட்டி இணையத்தில் வைரல் ஆகி வருகிறது.