பிக் பாஸ் நிகழ்ச்சியில் AI ரோபோ ஒன்று போட்டியாளராக களமிறங்கவுள்ளதாக ஒரு ஆச்சரிய தகவல் வெளிவருகிறது
இந்திய தொலைக்காட்சி வரலாற்றில் ஒரு திருப்பத்தை ஏற்படுத்திய ரியாலிட்டி ஷோ என்றால் அது பிக் பாஸ்தான். இந்தியாவை பொறுத்தவரை கடந்த 2006 ஆம் ஆண்டு ஹிந்தியில் பிக் பாஸ் முதல் சீசன் தொடங்கப்பட்டது. அதன் பிறகு பல ஆண்டுகள் கழித்துதான் மற்ற மொழி தொலைக்காட்சிகளிலும் அந்நிகழ்ச்சி நடத்தப்பட்டது.
ஹிந்தி பிக் பாஸ் நிகழ்ச்சியின் 19 ஆவது சீசன் வருகிற ஆகஸ்ட் மாதம் தொடங்கப்பட உள்ளது. இந்த நிலையில் இதில் ஒரு AI ரோபோ போட்டியாளராக பங்கேற்கவுள்ளதாக ஒரு ஆச்சரிய தகவல் வெளிவந்துள்ளது.
செயற்கை நுண்ணறிவு தொழில்நுட்பம் கொண்டு உருவாக்கப்பட்ட இந்த ரோபோவின் பெயர் ஹபுபு. இந்த ரோபோ ஏற்கனவே மத்திய கிழக்கு நாடுகளில் மிக பிரபலமானது ஆகும். ஐக்கிய அரபு அமீரகத்தில் அமைந்துள்ள ஐ எஃப் சி எம் என்கிற நிறுவனத்தால் உருவாக்கப்பட்டதாக கூறப்படும் இந்த AI ரோபோ, மனிதர்களின் உணர்ச்சிகளை புரிந்துகொண்டு உரையாடும் விதமாக புரோகிராம் செய்யப்பட்டுள்ளதாம்.
பிக்பாஸ் நிகழ்ச்சியில் போட்டியாளராக களமிறங்கவுள்ளதாக கூறப்படும் இந்த ரோபோ வீட்டு வேலைகள் அனைத்தும் செய்யுமாம். மேலும் பாடுவது, சமையல் செய்வது, அர்த்தமுள்ள உரையாடல்களை நிகழ்த்துவது ஆகியவற்றை திறம்பட செய்யுமாம். குறிப்பாக இந்த ஹபுபு ரோபோ ஆங்கிலம், ஹிந்தி உட்பட 7 மொழிகளை பேசக்கூடியதாக வடிவமைக்கப்பட்டுள்ளதாம்.
உலகளவில் ரியாலிட்டி ஷோவில் செயற்கை நுண்ணறிவு தொழில்நுட்பத்தால் உருவாக்கப்பட்ட ரோபோவை களமிறக்குவது இதுவே முதல் முறை என்பதால் ஹிந்தி பிக் பாஸ் ரசிகர்களின் மத்தியில் எதிர்பார்ப்பு எகிறியுள்ளது. எனினும் இந்த ரோபோ, மற்ற போட்டியாளர்களுடன் எவ்வாறு போட்டிபோடும்? சாதாரண மனிதனை விட அதிக திறன் கொண்ட இந்த ரோபோ, மற்ற போட்டியாளர்களுக்கு சமமாக எப்படி மதிக்கப்படும்? போன்ற கேள்விகள் ரசிகர்களின் மத்தியில் எழுந்துள்ளது குறிப்பிடத்தக்கது.
டிரெண்டிங் ஹீரோயின் “டிராகன்” திரைப்படத்தின் மூலம் தமிழில் அறிமுகமாகி தமிழ் இளைஞர்களின் தூக்கத்தை கெடுத்தவர்தான் கயாது லோஹர். “டிராகன்” திரைப்படத்தில்…
அத்தையுடன் தகாத உறவு வைத்திருந்த மருமகனை தாக்கி வற்புறுத்தி திருமணம் செய்ய சொல்லி அடித்து துவைத்த மாமனார் தலைமறைவாகியுள்ளார். பீகார்…
பட்டையை கிளப்பிய முதல் சிங்கிள் லோகேஷ் கனகராஜ் இயக்கத்தில் ரஜினிகாந்த் நடித்துள்ள “கூலி” திரைப்படம் வருகிற ஆகஸ்ட் மாதம் 14…
தனுஷின் பாலிவுட் அறிமுகம் நடிகர் தனுஷ் பாலிவுட்டில் கதாநாயகனாக அறிமுகமான திரைப்படம் “ராஞ்சனா”. இத்திரைப்படம் தமிழில் “அம்பிகாபதி” என்ற பெயரில்…
கரூர் மாவட்டத்தில் பல்வேறு நிகழ்ச்சிகளில் கலந்து கொள்ள துணை முதலமைச்சர் உதயநிதி ஸ்டாலின் நேற்று கரூர் வந்தடைந்தார். தொடர்ந்து இன்று…
திருப்பூர் மாவட்டம் அவிநாசியில் வரதட்சணத கொடுமையால் தற்கொலை செய்து கொண்ட ரிதன்யாவின் பெற்றோரை திரைப்பட நடிகை அம்பிகா நேரில் சந்தித்து…
This website uses cookies.