அயோத்தி, ஆடுஜீவிதம் படத்திற்கு தேசிய விருது கிடைக்காதது எனக்கு ஏமாற்றம்தான்… பிரபலம் வருத்தம்!

இந்தியாவில் சினிமா கலைஞர்களுக்கு அங்கீகாரம் கிடைக்க காரணம் தேசிய விருதுதான். தேசிய விருதுக்காக எத்தனையோ கலைஞர்கள் உடலை வருத்தி சினிமாவுக்கு உழைப்பது உண்டு.

அப்படி உழைத்தவர்களுக்கு தேசிய விருது கிடைத்தால் அதை விட பெரிய சந்தோஷம் வேறு எதுவும் இல்லை. அப்படி நேற்று 71வது தேசிய விருதுகள் அறிவிக்கப்பட்டது.

இதில் தமிழ் சினிமாவில் சிறந்த படத்திற்கான பிரிவில் பார்க்கிங் படம் 3 விருதுகளை தட்டிச் சென்றது, குறிப்பாக சிறந்த படம், சிறந்த திரைக்கதை மற்றும் வசனம், சிறந்த குணச்சித்திர நடிகர் எம்எஸ் பாஸ்கர் என 3 விருதுகள் கிடைத்தது சிறந்ததாகவே பார்க்கப்படுகிறது.

அந்த வரிசையில் சிறந்த இசையமைப்பாளர் பிரிவில் வாத்தி படம் தேர்வாகி அப்படத்தின் இசையமைப்பாளர் ஜிவி பிரகாஷ்க்கு கிடைத்தது. இதையடுத்து தமிழ் சினிமாத்துறையினர் தேசிய விருது பெற்ற கலைஞர்களை வாழ்த்தி வருகின்றனர்.

அந்த வகையில் கலிஞர் வைரமுத்து வெளியிட்டுள்ள எக்ஸ் தள பதிவில், தேசியத் திரைப்பட விருதுகள் சிலவெனினும் பெற்றவரைக்கும் பெருமைதான்.

விருதுகளை வென்ற கலைக் கண்மணிகள் இயக்குநர் ராம்குமார் பாலகிருஷ்ணன், தயாரிப்பாளர்கள் சுதன் சுந்தரம் – கே.எஸ்.சினிஷ், சகோதரர் எம்.எஸ்.பாஸ்கர், தம்பி ஜி.வி.பிரகாஷ், நடிகை ஊர்வசி, சரவண மருது, சவுந்தரபாண்டியன், மீனாட்சி சோமன் ஆகிய அனைவர் மீதும் என் தூரத்துப் பூக்களைத் தூவி மகிழ்கிறேன்.

இந்த மிக்க புகழைத் தக்கவைத்துக் கொள்வதற்கு மேலும் உழைப்பதற்கு
இந்த விருதுகள் ஊக்கமும் பொறுப்பும் தருமென்று உறுதியாய் நம்புகிறேன்.

ஆயிரம் சொல்லுங்கள் ஆடுஜீவிதம், அயோத்தி விருது பெறாதது
எனக்கு ஏமாற்றம்தான் என பதிவிட்டுள்ளார்.

தமிழில் வெளியான அயோத்தி திரைப்படத்தின் கதை சாதி மத பேதங்களை கடந்து நல்ல கதையம்சம் கொண்ட திரைப்படமாகவும், மனிதத்தை விதைப்பதாக அமைந்தது. படத்தை தமிழ் ரசிகர்கள் கொண்டாடியதை மத்திய அரசு கொண்டாட மறந்துவிட்டது.

அதே போல ஆடுஜிவிதம் படத்தில், தனது உடலை வருத்தி உழைப்பை போட்ட நடிகர் பிருதிவ்ராஜ்க்கு இது ஏமாற்றம் தான். மலையாள திரையுலக ரசிகர்களும் தங்கள் ஆதங்கத்தை வெளிப்படுத்தி வருகின்றனர்.