கதை எழுத துப்பில்லாதவன் தான் இப்படி ஒரு கதை எழுதுவான்- லோகியை கிழித்து தொங்கவிட்ட பிரபலம்…

கலவையான விமர்சனம்

லோகேஷ் கனகராஜ் இயக்கத்தில் ரஜினிகாந்த் நடிப்பில் உருவான “கூலி” திரைப்படம் கடந்த ஆகஸ்ட் 14 ஆம் தேதி வெளியானது. இத்திரைப்படத்திற்கு அதிகளவில் எதிர்பார்ப்பு இருந்தது. ஆனால் இத்திரைப்படம் அந்த எதிர்பார்ப்புகளை பூர்த்தி செய்யவில்லை. மிகவும் கலவையான விமர்சனங்களே இத்திரைப்படத்திற்கு கிடைத்துள்ளது. 

இந்த நிலையில் பிரபல விமர்சகரான ப்ளூ சட்டை மாறன் ரஜினிகாந்தின் “கூலி” திரைப்படத்தை தனது தனித்துவமான ஸ்டைலில் மிகவும் கடுமையாக விமர்சித்துள்ளார். 

துப்பில்லாதவன் தான் இப்படி கதை எழுதுவான்

“எப்படியாவது பேன் இந்தியா லெலவில் ஒரு ஹிட் படத்தை கொடுத்துவிட வேண்டும் என்று இந்த படத்தில் தலீவர் நடித்திருக்கிறார். பேன் இந்தியா என்றால் என்ன? நமது மொழியில் நமது நேட்டிவிட்டியில் எடுக்கப்பட்ட படம் இந்தியா முழுவதும் ஹிட் அடிக்க வேண்டும். அதுதான் பேன் இந்தியா ஹிட் படம். 

ஆனால் தலீவர் என்ன புரிந்துவைத்திருக்கிறார் என்றால், பேன் இந்தியா லெவலில் இருக்கிற முக்கியமான நடிகர்களை நமது படத்தில் நடிக்க வைத்தால் பேன் இந்தியா படமாக ஆகிவிடும் என புரிந்து வைத்திருக்கிறார். 

கறி வாங்க காசில்லாதவன்தான் கருவாட்டை கண்டுபிடித்திருக்கணும் என கிராமத்தில் ஒரு பழமொழி உண்டு. அது போல் கதை எழுத துப்பில்லாதவன்தான் இந்த படத்தின் கதையை எழுதியிருந்திருக்க வேண்டும். படத்தில் எந்த கதாபாத்திரமாவது மனதில் நிற்கிறதா? தலீவர் கதாபாத்திரம் உட்பட?

ஆனால் தலீவருக்கு ஒரு யோகம் இருக்கிறது. அவருடைய எந்த படம் வெளிவந்தாலும் காட்டு மொக்கை என்றுதான் சொல்வார்கள். ஆனால் அவருடைய அடுத்த படம் வரும்போது, இதுக்கு அது எவ்வளவோ தேவலாம் என சொல்லுவார்கள். இப்போ கூட பாருங்கள். ஜெயிலர் நல்ல படமாக ஆகிவிட்டது” என “கூலி” படத்தை மிகவும் கடுமையாக விமர்சித்துள்ளார் ப்ளூ சட்டை மாறன்.