தனுஷ் வாட்ச்சுக்கு வந்த மவுசு…விலையை கேட்டிங்கனா ஷாக் ஆவீங்க..!

திருமண நிகழ்ச்சியில் தனுஷ்

தமிழ் சினிமாவின் முன்னணி நடிகரான தனுஷ், இப்போது தனது தனிப்பட்ட வாழ்க்கையிலும், தொழிலிலும் மிகப்பெரிய மாற்றங்களை சந்தித்து வருகிறார். திருப்பம் நிறைந்த திருமண முறிவு, நயன்தாராவின் குற்றச்சாட்டுகள் ஆகியவை பெரும் சர்ச்சையை ஏற்படுத்திய நிலையில், அவர் சமீபத்தில் தயாரிப்பாளர் ஆகாஷ் பாஸ்கரின் திருமண விழாவில் கலந்து கொண்டது பலரையும் ஆச்சரியப்பட வைத்தது.

நயன்தாராவுடன் எதிர்பாராத சந்திப்பு

சாதாரணமாக பொது நிகழ்வுகளில் அதிகம் பங்கேற்காத தனுஷ், இந்த நிகழ்ச்சியில் கலந்து கொண்டது மட்டுமல்லாமல், நிகழ்ச்சியில் நயன்தாராவும் வந்திருந்தார். சில நாட்களுக்கு முன்பு தனுஷுக்கு எதிராக நயன்தாரா வெளியிட்ட குற்றச்சாட்டுகள் சமூக வலைதளங்களில் பரபரப்பை ஏற்படுத்தியிருந்த நிலையில், இருவரும் ஒரே இடத்தில் எதிர்பாராமல் சந்தித்த நிகழ்வு ரசிகர்களை மட்டுமின்றி திரைப்பட உலகத்தையும் அதிர்ச்சியில் ஆழ்த்தியது.

தனுஷ் – சிவகார்த்திகேயன் சந்திப்பு

திருமண விழாவில் தனுஷ், நடிகர் சிவகார்த்திகேயனுடன் உரையாடும் புகைப்படமும் வைரலானது. ஏற்கனவே இருவருக்கும் இடையே கருத்து வேறுபாடுகள் உள்ளதாகவும், இருவரும் ஒருவரை ஒருவர் தவிர்த்து வருவதாகவும் செய்திகள் வெளியான நிலையில், இந்த உரையாடல் ரசிகர்கள் மத்தியில் பெரும் ஆச்சரியத்தை ஏற்படுத்தியது.

இதையும் படியுங்க: சூர்யா 44 படத்திற்கு வந்த புது சிக்கல்…அதர்வாவிடம் கெஞ்சிய படக்குழு..!

தனுஷின் விலையுயர்ந்த வாட்ச்

இந்த நிகழ்ச்சியில் தனுஷின் தோற்றம் மிகவும் எளிமையாக இருந்தாலும், அவர் அணிந்திருந்த Rolex Day-Date வாட்ச் அனைவரின் கவனத்தையும் ஈர்த்தது. இந்த வாட்சின் விலை ₹1.35 கோடி என கூறப்படுகிறது. இது பற்றிய தகவல் தெரிய வந்ததும், சமூக வலைதளங்களில் பலரும் விலையை விமர்சித்து வாயடைத்து நிற்கின்றனர்.