ரிலீஸ் நேரத்தில் இந்தியன் படத்திற்கு வந்த சிக்கல்.. – A.R.ரகுமான் தான் காரணமாம்..!

கமல்ஹாசன் நடிப்பில் சங்கர் இயக்கத்தில் வெளியான திரைப்படம் இந்தியன். இந்த படத்தில் மனிஷா கொய்ராலா, சுகன்யா, கவுண்டமணி என பல முக்கிய பிரபலங்கள் நடித்திருந்தனர்.

1996 ஆம் ஆண்டு இந்தப் படம் வெளியாகி பெரிய ஹிட் கொடுத்தது. இதற்கு இசை புயல் ஏ ஆர் ரகுமான் இசையமைத்து உள்ளார். இந்தியன் படத்திற்கு ஏ ஆர் ரகுமான் ஆஸ்திரேலியாவில் உள்ள தனது ஸ்டுடியோவில் பாடல்களை கம்போசிங் செய்து ஒரு ஹார்ட் டிஸ்க் மூலம் இந்தியா கொண்டுவந்த நிலையில், சென்னை விமான நிலையத்தில் உள்ள அதிகாரிகள் அந்த ஹார்ட் டிஸ்கை ஸ்கேன் செய்து உள்ளனர்.

அப்போது, அனைத்து பாடல்களும் டெலிட் ஆகி உள்ளது அதன் பிறகு தான் தெரிய வந்துள்ளது. இதனை அறிந்த இயக்குனர் சங்கர் படத்தில் ரிலீஸ் தேதி அறிவிக்கப்பட்ட நிலையில், இப்படி ஒரு சிக்கல் ஏற்பட்டதால் பதட்டமாகியுள்ளார்.

இந்நிலையில், அவசரமாக மீண்டும் பாடல்களை கம்போசிங் செய்து ஏ.ஆர்.ரகுமான் கொடுத்துள்ளார். அதன் பிறகு இந்தியன் படம் வெளிவந்து மாபெரும் வெற்றி பெற்றது. இந்தியன் படத்தின் வெற்றியை தொடர்ந்து தற்போது இந்தியன் 2 படம் தயாராகி வருகிறது. இந்த நிலையில் இந்த தகவல் தற்போது வெளியாகியுள்ளது. மேலும், இந்தியன் 2 படத்தில் அனிருத் இசையமைப்பது குறிப்பிடத்தக்கது.