ஒரு குடும்பம் அழுதுட்டு இருக்கு… நீ இப்புடி தின்னுட்டு இருக்குற – கார் விபத்துக்கு பின் இர்பான் வெளியிட்ட வீடியோ – கழுவி ஊற்றும் நெட்டிசன்ஸ்!

யூடியூப் பிரபலம் மற்றும் உணவு விமர்சகரான இர்பானை பற்றி தெரியாதவர்கள் யாரும் இருக்க மாட்டார்கள். உணவு விமர்சகர் இர்பான் அவர்கள் பல்வேறு ஹோட்டல்களுக்கு சென்று உணவுகளை சாப்பிட்டு அதனுடைய டேஸ்ட் குறித்தும், உணவின் தரத்தை குறித்தும் வீடியோவாக சோசியல் மீடியாவில் பதிவு இடுவார்.

சில மாதங்களுக்கு முன்னர் இர்பானுக்கு நிச்சயதார்த்தம் நடந்து முடிந்தது என்று இவருடைய நண்பர்கள் நிச்சயதார்த்த வீடியோவை சோசியல் மீடியாவில் வெளியிட்டிருந்தார்கள். இதற்கு பலரும் வாழ்த்துகளைத் தெரிவித்து இருந்தார்கள்.

அதையடுத்து இவர்களுக்கு அண்மையில் பிரம்மாண்டமாக இஸ்லாமிய முறைப்படி திருமணம் நடைபெற்றது. இதனிடையே கடந்த சில நாட்களுக்கு முன்னர் மறைமலைநகர் நகராட்சி அலுவலகம் அருகே இர்பானின் பென்ஸ் கார் மோதி பத்மாவதி என்ற பெண் ஒருவர் சம்பவ இடத்திலேயே உயிரிழந்துள்ளார். இதுகுறித்து தாம்பரம் போக்குவரத்து புலனாய்வு பிரிவு காவல்துறையினர் சம்பவ இடத்திற்கு சென்று விசாரித்துள்ளனர்.

அப்போது காரை ஓட்டி வந்தது இர்பானின் ட்ரைவர் அசாருதீன் என்பது தெரியவந்துள்ளது. அதையடுத்து அசாருதீன் காவல் நிலையம் அழைத்துச்சென்று விசாரணை நடத்தி வருகிறார்கள் போலீசார். அவர் மீது வழக்குப்பதிவு செய்து உண்மையில் காரை ஒட்டி வந்தது அசாருதீன் தானா? என சிசிடிவி காட்சி கொண்டு விசாரணை நடத்தி வருகிறார்கள். விபத்து நடந்த இடத்தில் இர்ஃபானை பார்த்ததாக போலீசாரிடம் பொதுமக்கள் தகவல் தெரிவித்தனர். எனவே காரை ஓட்டிவந்து விபத்துக்குள்ளாக்கிவிட்டு இர்பான் எஸ்கேப் ஆகிவிட்டாரா? என அடுக்கடுக்கான கேள்விகள் எழுந்தது.

இந்நிலையில் இச்சம்பவம் நடந்த சில நாட்களிலேயே தற்போது இர்பான் food vlog வீடியோ ஒன்றை வெளியிட்டு இருக்கிறார். இதை பார்த்த நெட்டிசன்ஸ் பலரும் அவரை மோசமாக திட்டி தீர்த்துள்ளனர். கார் விபத்திற்கு பின்னர் அதுகுறித்து தன்னுடைய சமூக வலைதளத்தில் எந்த ஒரு பதிவும் அல்லது வீடியோவும் பதிவிடாத இர்பான் எதுவுமே நடக்காதது போன்று food vlog வெளியிட்டிருப்பது பார்த்து கோபம் அடைந்துள்ளனர். உங்களுக்கு சொந்தமான கார் மோதி ஒருவர் உயிரிழந்து விட்டார் அதைப்பற்றி எந்த ஒரு குற்ற உணர்ச்சியும் இல்லாமல் இப்படி வீடியோ பதிவிட்டிருக்கிறீர்களே என்று கேள்வி எழுப்பி ஆளாளுக்கு திட்டியுள்ளனர்.

https://www.instagram.com/reel/Cs0MZ6fud0f/?utm_source=ig_web_copy_link&igshid=MzRlODBiNWFlZA==