லாஸ்லியாவின் Breakup.. கவினின் வருங்கால மனைவி தான் காரணமா?.. கூடவே இருந்து குழி பறிச்சுட்டாங்கப்பா..!

தமிழ் சினிமாவில் வளர்ந்து வரும் இளம் நடிகர்களில் ஒருவரான கவின் ஆரம்பத்தில் தொலைக்காட்சி சீரியல்களில் நடித்து மக்களுக்கு அறிமுகம் ஆனார். அதன் பிறகு பிக்பாஸ் நிகழ்ச்சியின் மூலம் கவனம் ஈர்த்த கவின் லிப்ட் திரைப்படத்தில் நடித்து முகம் அறியப்பட்டார்.

அதன் பிறகு டாடா திரைப்படத்தில் நடித்து மிகப்பெரிய அளவில் ஹிட் கொடுத்தார். இந்த திரைப்படத்தை அவரின் கல்லூரி நண்பரான கணேஷ் கே.பாபு என்பவர் இயக்கினார். இதில் கவினுடன் பீஸ்ட் திரைப்படத்தில் நடித்த அபர்ணா தாஸ் அவருக்கு ஜோடியாக நடித்தார்.

மேலும், இப்படத்தில் நடிகர்கள் பாக்யராஜ், ஐஸ்வர்யா பாஸ்கரன், விடிவி கணேஷ் உள்ளிட்டோர் முக்கிய கதாபாத்திரத்தில் நடித்திருந்தனர். கம்மி பட்ஜெட்டில் எடுக்கப்பட்ட டாடா திரைப்படம் ரசிகர்களிடையே சிறந்த வரவேற்பை பெற்றது. அதுமட்டுமின்றி ஓடிடியிலும் சமீபத்தில் வெளியாகி ரசிகர்கள் மத்தியில் பெரும் வரவேற்பை பெற்று வசூல் வாரி குவித்தது.

இந்த படத்தின் வெற்றிக்கு பிறகு கவினுக்கு தொடர்ந்து அடுத்தடுத்த படவாய்ப்புகள் குவிந்த வண்ணம் உள்ளது. அதன்படி அடுத்து அவர் நடிக்கும் படத்திற்கு ரூ. 2 கோடி ருபாய் சம்பளம் கேட்கிறாராம். அதனால் அவரை ரூ. 1 கோடிக்கு கமிட் செய்த நிறுவனம் பின்வாங்கிவிட்டதாக தகவல் வெளியாகியது. ஒரே ஒரு படம் ஹிட் ஆனதும் கவின் இப்படி மாறிவிட்டாரே என சினிமா வட்டாரத்தில் விமர்சித்தனர்.

இந்நிலையில் 33 வயதாகும் கவினுக்கு பெற்றோர் திருமணம் செய்துவைக்க திட்டமிட்டுள்ளார்களாம். ஆம், வருகிற ஆகஸ்ட் 20 ஆம் தேதி கவினுக்கு திருமணம் நடைபெற உள்ளதாம். பெற்றோர் பார்த்து வைத்த பெண்ணை தான் கவின் திருமணம் செய்கிறார். திருமண வேலைகள் முழுவீச்சில் நடைபெற்று வருகிறதாம். இந்த செய்தி வெளியானதும் கவின் ஆர்மிஸ் செம குஷியில் அவருக்கு வாழ்த்துக்கள் கூறி வருகிறார்கள்.

கவின் பிக்பாஸ் வீட்டில் இருக்கும்போது லாஸ்லியாவை உருகி உருகி காதலித்தது குறிப்பிடத்தக்கது. அந்த வீட்டில் இருந்து வெளியேறியதும் இருவரும் மூன்றாவது நபர் போன்று நடந்துக்கொண்டு அவரவர் தங்களது கெரியரில் கவனத்தை செலுத்தி வந்தனர். விரைவில் அதிகாரபூர்வ திருமண தகவல்களும் வெளியாகும் என எதிர்பார்க்கப்படுகிறது.

இந்நிலையில் லாஸ்லியாவிற்கு ஸ்டைலிஸ்ட்-ஆக மோனிகா டேவிட் பணியாற்றி இருக்கிறார். லாஸ்லியாவுடன் கவினின் வருங்கால மனைவி மோனிகா எடுத்துக்கொண்ட புகைப்படம் இணையத்தில் தற்போது வைரலானது. இதை பார்த்த நெட்டிசன்கள் ஷாக்கான ரியாக்ஷன் கொடுத்து வருகிறார்கள்.

இந்நிலையில், மோனிகா லாஸ்லியாவிற்கு தோழியாக இருந்துள்ளார். இதனால் இவர் கூடவே இருந்து குழி பறித்து விட்டாரா என ரசிகர்கள் கேள்வி எழுப்பி வருகின்றனர். சிலர் இதெல்லாம் அவர்கள் தனிப்பட்ட விருப்பம். இதில், நாம் ஏன் தலையிட வேண்டும் என்று சில ரசிகர்கள் நாகரீகமாக நகர்ந்து செல்கின்றார்கள்.