முதல்வரின் பேரனுடன் நிச்சயிக்கப்பட்ட திருமணம்? திடீரென கல்யாணத்தை நிறுத்திய தனுஷ் பட நடிகை!

பஞ்சாப் பைங்கிளி

தெலுங்கில் நானி நடித்த “கிருஷ்ணா காடி வீர பிரேம காத” என்ற திரைப்படத்தின் மூலம் சினிமா உலகில் கதாநாயகியாக அறிமுகமானவர்தான் மெஹ்ரீன் பிர்சடா. இவர் பஞ்சாப் மாநிலத்தைச் சேர்ந்தவர். தெலுங்கு,  கன்னடம் ஆகிய மொழிகளில் பல திரைப்படங்களில் நடித்திருந்த இவர் தமிழில் சந்தீப் கிசானின் “நெஞ்சில் துணிவிருந்தால்”,  விஜய் தேவரகொண்டாவின் “நோட்டா”,  தனுஷின் “பட்டாஸ்” ஆகிய திரைப்படங்களில் நடித்திருந்தார். இதனை தொடர்ந்து தற்போது “இந்திரா” என்ற திரைப்படத்தில் நடித்துள்ளார். 

“இந்திரா” திரைப்படத்தில் வசந்த் ரவி கதாநாயகனாக நடித்துள்ளார். இத்திரைப்படத்தை சபரீஷ் நந்தா என்பவர் இயக்கியுள்ளார். இத்திரைப்படம் ஆகஸ்ட் 22 ஆம் தேதி வெளியாகவுள்ளது. இத்திரைப்படத்தின் அட்டகாசமான டிரெயிலர் நேற்று வெளியானது. இந்த நிலையில் நடிகை மெஹ்ரீன் பிர்சடாவை குறித்த ஒரு அதிர்ச்சி தகவல் இணையத்தில் வைரலாகி வருகிறது. 

திருமணத்தை நிறுத்திய நடிகை?

அதாவது கடந்த 2021 ஆம் ஆண்டு ஹரியானாவின் மறைந்த முன்னாள் முதல்வர் பஜன் லாலின் பேரனான பாவ்யா பிஷ்னாய் என்பவருடன் இவருக்கு திருமணம் நிச்சயிக்கப்பட்டிருந்தது. ஆனால் திடீரென இவர் அத்திருமண சம்பந்தம் வேண்டாம் என சொல்லிவிட்டாராம். அதனை தொடர்ந்து 2024 ஆம் ஆண்டு சிரஞ்சீவ் மக்வானா என்பவரை திருமணம் செய்துகொண்டாராம். இவரது திருமணத்திற்கு பின் வெளிவரும் முதல் தமிழ் திரைப்படம் “இந்திரா” என்பது குறிப்பிடத்தக்கது. இவர் குறித்த இந்த அதிர்ச்சி தகவல் இணையத்தில் வைரல் ஆகி வருகிறது.