நிவேதா பெத்துராஜ்க்கு விரைவில் டும் டும் டும்… மாப்பிள்ளை இவருதான்..!!!

மதுரையை சேர்ந்த நடிகை நிவேதா பெத்துராஜ் தனது காதலரை அறிமுகம் செய்துள்ளார். இது குறித்து காதலருடன் இருக்கும் புகைப்படத்தை அவர் வெளியிட்டுள்ளார்,.

தமிழ் சினிமாவின் முன்னணி நடிகைகளில் ஒருவரான நிவேதா பெத்துராஜ், தனது வருங்கால கணவரை ரசிகர்களுக்கு அறிமுகம் செய்து மகிழ்ச்சியை பகிர்ந்துள்ளார்.

அவரது வருங்கால கணவர், துபாயைச் சேர்ந்த தொழிலதிபர் ராஜ் ஹித் இப்ரான். கடந்த சில ஆண்டுகளாக இவர்கள் இருவரும் காதலித்து வந்ததாகவும், இந்த ஆண்டு இறுதியில் அவர்களது திருமணம் நடைபெற உள்ளதாகவும் தகவல்கள் தெரிவிக்கின்றன.

நிவேதா பெத்துராஜ் தனது வருங்கால கணவருடன் இணைந்து எடுத்த புகைப்படங்களை இணையத்தில் பகிர்ந்துள்ளார். குறிப்பாக, ராஜ் ஹித் இப்ரானை கட்டிப்பிடித்தபடி இருக்கும் புகைப்படம் சமூக வலைதளங்களில் வைரலாகி வருகிறது. இஸ்லாமியரை காதலித்துள்ளதால் இவர்கள் திருமணம் இரு மத முறைப்படி நடத்தப்படும் என கூறப்படுகிறது.

இந்த பதிவை பார்த்த ரசிகர்கள், நிவேதாவுக்கு வாழ்த்துக்களை தெரிவித்து வருகின்றனர். திரை உலக நண்பர்களும் அவருக்கு வாழ்த்து மழை பொழிந்து வருகின்றனர். இருப்பினும், சில ரசிகர்கள் இந்த அறிவிப்பால் தங்கள் மனம் உடைந்து விட்டதாக கூறி, நகைச்சுவையாக பதிவிட்டு வருகின்றனர்.