முன்னாள் கணவர் நாக சைதன்யாவுடன் எடுத்த புகைப்படத்தை திடீரென பகிர்ந்த சமந்தா.. வைரலாகும் பதிவு..!

கௌதம் வாசுதேவ் மேனன் இயக்கத்தில் வெளியான தெலுங்கில் Ye Maaya Chesave மற்றும் தமிழில் விண்ணைதாண்டி வருவாயா திரைப்படத்தின் மூலம் நடிகையாக அறிமுகமானவர் சமந்தா. இதற்கு முன்னர், கல்லூரி படிப்பை முடித்தவுடன் மாடலிங் மற்றும் சில முக்கிய விளம்பரங்களிலும் நடித்து வந்தார்.

2010ம் ஆண்டு, அதர்வா ஜோடியாக பானா காத்தாடி திரைப்படத்தில் நடித்த இவர், இதன் பின்னர், நிறைய தெலுங்கு மொழி திரைப்படங்களில் நடித்துள்ளார். இதன் மூலம், அடுத்தடுத்து தமிழ் மற்றும் தெலுங்கு மொழிகளில் டாப் ஹீரோக்களுடன் நடிக்கும் வாய்ப்பை பெற்று, தென்னிந்திய திரையுலகில் தவிர்க்க முடியாத இடத்தை பெற்றார்.

கடைசியாக தமிழில் காத்துவாக்குல ரெண்டு காதல் படத்தில் நடித்து இருந்தார். மையோசிட்டிஸ் என்ற நோயால் அவதிப்பட்டு வரும் சமந்தா, தற்போது அதற்கு சிகிச்சை மேற்கொண்டு உடல்நிலை தேறி வருவதாக கூறப்படுகிறது. தெலுங்கில் ‘ஷகுந்தலம்’, ‘குஷி’ படங்களில் தற்போது நடித்து வருகிறார். சாகுந்தலம் திரைப்படம் ஏப்ரல் மாதம் வெளியாக இருக்கிறது.

தற்போது இந்த படத்திற்கான ப்ரொமோஷன் பணிகளில் சமந்தா ஈடுபட்டு வருகிறார். இந்நிலையில், தன்னுடைய முன்னாள் கணவர் நாக சைதன்யாவுடன் எடுத்த புகைப்படத்தை சமந்தா சோசியல் மீடியாவில் பதிவிட்டது ரசிகர்கள் மத்தியில் கவனத்தை ஈர்த்துள்ளது. சமந்தா- நாக சைதன்யா இருவரும் சேர்ந்து நடித்த திரைப்படம் மஜ்லி. கடந்த 2019ம் ஆண்டு ஏப்ரல் மாதம் வெளியான இப்படம் நல்ல வரவேற்பை பெற்றது.

இப்படம் வெளியாகி 4 ஆண்டுகள் ஆனதையொட்டி, இதை கொண்டாடும் விதமாக சமந்தா அவர்கள் படப்பிடிப்பின் போது எடுத்த புகைப்படத்தை சோசியல் மீடியாவில் பகிர்ந்துள்ள புகைப்படத்தில் நாக சைத்தன்யாவும் இருக்கிறார். இந்த புகைப்படத்தை மஜிலி படத்தின் இயக்குனர் சிவாவும் பகிர்ந்து இருக்கிறார். இந்த பதிவிற்கு நெட்டிசன்கள் பலரும் தங்கள் கமெண்ட்களை பதிவிட்டு வருகின்றனர்.