அடித்து நொறுக்கிய 5 கிராமத்து படங்கள்: தயாரிப்பாளரின் கஜானாவை ரொப்பிய சரத்குமார்!

தமிழ் சினிமாவில் மூத்த நடிகர்களில் ஒருவரான சரத்குமார் திரைப்பட நடிகர் மற்றும் தமிழ்நாட்டு அரசியல்வாதியாக இருந்து வருகிறார். ஆரம்பத்தில் வில்லன் வேடங்களில் நடித்து பிரபலமானவராக அறியப்பட்ட இவர் பின்னாளில் சூரியன் படத்தில் முதன்மை வேடத்தில் நடித்து சிறப்பு கவனம் பெற்றார்.

திரைத்துறைக்கு வருவதற்கு முன்னரே சாயாதேவி என்பவரைக் காதலித்து திருமணம் செய்துக்கொண்ட சரத்குமார் வரலட்சுமி, பூஜா என்னும் இரு மகள்கள் பெற்றார் . அதன் பின்னர் அவர் சினிமாவில் நடித்த போது நடிகை நக்மாவுடன் ஏற்பட்ட காதலால் மனைவி சாயாதேவி அவரை விவாகரத்து செய்துவிட்டார். அதன் பின்னர் நடிகை ராதிகாவை முறைப்படி இரண்டாம் திருமணம் செய்துக்கொண்டார்.

தற்போது மனைவி, பிள்ளைகள், பேரக்குழந்தைகள் என மகிழ்ச்சியாக இருந்து வருகிறார். இந்நிலையில் சரத்குமார் நடிப்பில் வெளியாகி மாபெரும் ஹிட் அடித்த 5 கிராமத்து படங்கள் பற்றி இந்த செய்தி தொகுப்பில் காணலாம்.

நாட்டாமை:

எஸ். ரவிக்குமார் இயக்கத்தில் சரத்குமார் இரு வேடங்களில் நடித்து 1994ஆம் ஆண்டு வெளியிடப்பட்ட தமிழ்த் திரைப்படம் நாட்டாமை. இதில் சரத்குமார் அண்ணன் தம்பி கதாப்பாத்திரங்களை ஏற்று நடித்து இருந்தார். இவருடன் குஷ்பூ, மீனா, மனோரமா, ராஜா ரவீந்தர், கவுண்டமணி, செந்தில், வைஷ்ணவி, பொன்னம்பலம், ராணி ஆகியோரும் நடித்து இருந்தார்கள். இந்த படம் மிகப்பெரிய வெற்றியை பெற்றது. வசூல் சாதனை படைத்தது.

சூரியவம்சம்:

சரத்குமாரின் சினிமா கேரியரிலே மிகமுக்கிய படமாக பார்க்கப்பட்டது சூரியவம்சம் திரைப்படம் தான். விக்ரமன் இயக்கத்தில் 1997 ஆம் ஆண்டு வெளியான இப்படத்தில் சரத் குமார்,தேவயானி , ராதிகா, மணிவண்ணன், மற்றும் பலர் நடித்துள்ளார்கள். ஒரே பாட்டில் சத்குமார் மட்டுமில்ல இந்த படமும் மாபெரும் வெற்றி அடைந்தது.

நட்புக்காக:

சிம்ரன் – சரத்குமார் ஜோடியாக நடித்து 1998ஆன இப்படத்தை கே. எஸ். ரவிக்குமார்இயக்கியிருந்தார். சரத்குமார். சரத்குமார் இரு வேடங்களில் நடித்த இத்திரைப்படம் சிறப்பான வெற்றியைப் பெற்ற திரைப்படமாகும். இந்த படம் தெலுங்கு, மற்றும் கன்னட மொழியிலும் வெளியாகி வெற்றிபெற்றது குறிப்பிடத்தக்கது.

பாட்டாளி:

சரத் குமாரின் ராசியாக ஹிட் இயக்குனரான கே. எஸ். ரவிக்குமார் இயக்கத்தில் பாட்டாளி படத்தில் ரம்யா கிருஷ்ணன், தேவயானி, வடிவேலு ஆகியோர் முன்னணி கதாபாத்திரத்தில் நடித்தார்கள். இப்படத்தில் முதலில் சிம்ரன் நடிப்பதாக இருந்தார். சில காரணத்தால் அவர் நடிக்காமல் போக அவர் கதாபாத்திரத்தில் நடிகை ரம்யா கிருஷ்ணன் நடிக்க நேர்ந்தது.

சமுத்திரம்:

அழகான கிராமத்து படங்களில் ஒன்றாக பார்க்கப்பட்ட சமுத்திரம் திரைப்படம் 2001 இல் கே. எஸ். ரவிகுமார் இயக்கத்தில் வெளியானது. இப்படத்தில் சரத்குமார், முரளி உள்ளிட்டோர் நடித்து மாபெரும் ஹிட் கொடுத்தார்கள்.