நான்தான் அடுத்த தளபதி?- வெளிப்படையாக போட்டுடைத்த சிவகார்த்திகேயன்? ஓஹோ…

துப்பாக்கியை பிடிங்க சிவா…

தமிழின் முன்னணி நடிகராக வலம் வரும் விஜய், தற்போது அரசியலுக்குள் நுழைந்துள்ளார். இந்த நிலையில் தான் நடித்த “GOAT” திரைப்படத்தில் “துப்பாக்கியை பிடிங்க சிவா” என்று கூறி விஜய் சிவகார்த்திகேயனிடம் ஒரு துப்பாக்கியை கொடுப்பார். “நீங்க ஏதோ முக்கியமான வேலையா போற மாதிரி தெரியுது. அது வரைக்கும் நான் பார்த்துக்குறேன்” என சிவகார்த்திகேயன் விஜய்யை பார்த்து கூறுவார். இந்த காட்சியை பார்த்த ரசிகர்கள் பலரும், “அடுத்த தளபதி சிவகார்த்திகேயன்தான்” என பேசத்தொடங்கிவிட்டனர். 

அடுத்த தளபதி நானா?

இந்த நிலையில் சிவகார்த்திகேயன் நடிப்பில் உருவாகியுள்ள “மதராஸி” திரைப்படத்தின் ஆடியோ வெளியீட்டு விழா நேற்று நடைபெற்றது. இதில் பேசிய சிவகார்த்திகேயன், “விஜய் சார் கூட நான் நடித்ததற்கு பிறகு இவர் அடுத்த தளபதி, குட்டி தளபதி ஆகப்பார்க்கிறார் என கேலி செய்தனர். ஆனால் அவர் அப்படி நினைத்திருந்தால் என்னிடம் துப்பாக்கியை கொடுத்திருக்க மாட்டார். நானும் வாங்கியிருக்க மாட்டேன்” என கூறினார். 

மேலும் பேசிய அவர், “நான் அவரது ரசிகர்களை கவரப்பார்க்கிறேன் என கூறுகிறார்கள். அவரது ரசிகர்களை அப்படி யாராலும் பிடிக்க முடியாது. அண்ணன் அண்ணன்தான், தம்பி தம்பிதான்” எனவும் கூறியது குறிப்பிடத்தக்கது. 

ஏ ஆர் முருகதாஸ் இயக்கத்தில் சிவகார்த்திகேயன் நடித்துள்ள “மதராஸி” திரைப்படம் வருகிற செப்டம்பர் மாதம் 5 ஆம் தேதி வெளியாகவுள்ளது. இதில் சிவகார்த்திகேயனுக்கு ஜோடியாக ருக்மிணி வசந்த் நடித்துள்ளார். மேலும் இவர்களுடன் வித்யுத் ஜம்வால், பிஜு மேனன் உள்ளிட்ட பலரும் நடித்துள்ளனர்.