“லப்பர் பந்து”படத்தால் இயக்குனருக்கு நடந்த ஏமாற்றம்..கூட இருந்தே குழி பறித்த தயாரிப்பாளர்..!

லப்பர் பந்து திரைப்படத்தில் தயாரிப்பாளர்களுக்கும் இயக்குனருக்கும் வாக்குவாதம்

சமீபகாலமாக தமிழ் சினிமாவில் சிறிய படங்களின் வெற்றியினால் தயாரிப்பாளர்கள் மற்றும் படக்குழுவினருக்கு நல்ல வரவேற்பு கிடைத்து வருகிறது. அத்தகைய ஒரு வெற்றிப்படமாக அட்டகத்தி தினேஷ் நடிப்பில் வெளியான லப்பர் பந்து திரைப்படம் திகழ்கிறது. சிறிய பட்ஜெட்டில் தயாரிக்கப்பட்ட இந்த படம் ரசிகர்களிடையே நல்ல வரவேற்பைப் பெற்றதோடு, 50 நாட்களுக்கு மேல் தியேட்டர்களிலும், பின்னர் ஓடிடி தளத்திலும் வெற்றிகரமாக ஓடியது.

தயாரிப்பாளர்கள் மற்றும் இயக்குனருக்குள் பிரச்சனை:
இந்த வெற்றிக்குப் பின்னால், தயாரிப்பாளர்களான லக்ஷ்மணன் மற்றும் வெங்கடேஷ் மற்றும் இயக்குனர் தமிழரசன் பச்சமுத்து இடையே பெரிய சர்ச்சை ஒன்று வெடித்துள்ளது. தயாரிப்பாளர் இயக்குனரிடம் வந்து மற்ற மொழிகளுக்கான உரிமை தொகை 10 லட்சம் என்று கூறியுள்ளார்.இயக்குனருக்கு உரிமையான 40% பங்காக ₹4 லட்சம் வழங்க முனைந்தனர்.

இதையும் படியுங்க: நீ நடிகனே கிடையாது…!மேடையில் அசிங்கப்படுத்திய இளையராஜா…

ஆனால், உரிமைகள் ₹2 கோடி மதிப்பில் விற்பனை செய்யப்பட்டதாக கேள்விப்பட்ட இயக்குனர், தனது பங்கை குறைத்து வழங்கியதாகக் கோபம் கொண்டார். இதனை எதிர்த்து கேள்வி எழுப்பிய இயக்குனருக்கு,தயாரிப்பாளர்கள் தெளிவான விளக்கம் அளிக்காதது மேலும் சிக்கலாகிவிட்டது.

இயக்குனரின் முடிவு:
இந்த பிரச்சனையின் முடிவில், இயக்குனர் தனது பங்கு வேண்டாம் என கூறி, எழுத்துமூலமாக கையெழுத்துப் போட்டு விலகியதாக தகவல் வெளியானது. இது ரசிகர்கள் மற்றும் சமூக வலைத்தளங்களில் பெரும் சர்ச்சையை ஏற்படுத்தியுள்ளது. நியாயமாக நடித்திருக்க வேண்டிய தயாரிப்பாளர்கள், இயக்குனரின் பங்களிப்புக்கு மதிப்பளிக்கவில்லை என்று நெட்டிசன்கள் விமர்சித்து வருகின்றனர்.