வில்லனாக நடித்தால் மார்க்கெட் கோவிந்தா- சத்யராஜ் விட்ட வார்த்தையால் மிஸ் ஆன தரமான சம்பவம்…

39 வருடங்களுக்குப் பிறகு

1980களில் ரஜினிகாந்த்தின் பல திரைப்படங்களில் சத்யராஜ் வில்லனாக நடித்திருக்கிறார். ஆனால் ஒரு கட்டத்திற்குப் பிறகு சத்யராஜ் ஹீரோவாக களமிறங்கினார். அதன் பின் அவர் வில்லனாக நடிப்பதை தவிர்த்துவிட்டார். இந்த நிலையில் ரஜினிகாந்தின் “சிவாஜி” திரைப்படத்திற்காக இயக்குனர் ஷங்கர் சத்யராஜை அணுகியபோது அவர் நடிக்க மறுத்துவிட்டார். எனினும் 39 வருடங்களுக்குப் பிறகு மீண்டும் ரஜினிகாந்துடன் இணைந்து “கூலி” படத்தில் நடித்தார். 

ரஜினிகாந்திற்கும் சத்யராஜ்ஜுக்கும் இடையே கருத்து ரீதியான வேறுபாடு இருப்பதால்தான் அவர் “சிவாஜி” படத்தில் நடிக்கவில்லை என கூறப்பட்டது. இந்த நிலையில் சமீபத்தில் ஒரு பேட்டியில் கலந்துகொண்ட சத்யராஜ், “சிவாஜி” படத்தில் வில்லனாக நடிக்க மறுத்தது குறித்து வெளிப்படையாக பேசியுள்ளார். 

நான் ஏன் நடிக்கவில்லை?

“சிவாஜி படத்தின்போது நான் மார்க்கெட் இழந்த கதாநாயகனாக இருந்தேன். ஹீரோவாக நடித்த படம் ஓடாதா எனவும் மீண்டும் வெற்றிபெற வேண்டும் என்ற முனைப்பிலும் இருந்தேன். நான் ஷங்கரிடம் வில்லனாக நடித்தால் மீண்டும் மார்க்கெட் போய்விடும் என்றேன். உண்மையில் நடந்தது இதுதான்” என கூறியுள்ளார்.