விதிமீறலில் ஈடுபட்ட திரிஷா மற்றும் ஜெயம் ரவி.. இது ஒரு குத்தமா?.. ஆக்சன் எடுத்த ட்விட்டர்..!

உலகம் முழுவதும் இருக்க கூடிய தொழிலதிபர்கள், அரசியல் தலைவர்கள் மற்றும் திரை பிரபலங்கள் என பலரும் பயன்படுத்த கூடிய சமூக வலைதள பக்கம் தான் ட்விட்டர்.

இந்த ட்விட்டரை கடந்த ஆண்டு தொழிலதிபர் எலோன் மஸ்க் வாங்கினார். இந்த நிலையில், இதில் ப்ளூ டிக் பெரும் பயனர்கள் சந்தா கட்ட வேண்டும் என்று அறிவித்து இருந்த நிலையில், இந்நிறுவனம் கோலிவுட் பிரபலங்களான திரிஷா மற்றும் ஜெயம் ரவியின் ப்ளூ டிக்கை நீக்கி உள்ளது அனைவரிடத்திலும் அதிர்ச்சியை ஏற்படுத்தி உள்ளது.

அதாவது திரிஷா மற்றும் ஜெயம் ரவி இவர்கள் இருவரும் இணைந்து தற்போது பொன்னியின் செல்வன் 2 படத்தில் நடித்து உள்ளனர். மேலும், இந்த படத்தின் படப்பிடிப்பு வேலை முடிந்த நிலையில் படத்தின் ப்ரோமோஷன் பணிகள் மிக தீவிரமாக நடைப்பெற்று வருகிறது.

அந்த வகையில் இந்த படத்தில் திரிஷாவின் பெயர் ‘குந்தவை’ என்பதால் தன்னுடைய ட்விட்டர் பக்கத்தில் குந்தவை என தன் பெயரை மாற்றி உள்ளார். மேலும் ட்விட்டரின் புதிய விதிப்படி பிரபலங்கள் தங்கள் பெயரை மாற்றினால் அவர்களது ப்ளூ டிக் பறிக்கப்படும் என கூறப்பட்டு இருந்தது.

இதனிடையே, திரிஷாவின் ப்ளூ டிக் பறிக்கப்பட்டுள்ளது குறிப்பிடத்தக்கது. இதன் பின்னர் மீண்டும் தன் பெயரை பழையபடியே மாற்றியுள்ளார் திரிஷா. ஆனாலும் அவருக்கு இன்னும் ப்ளூ டிக் கொடுக்கப்படவில்லை.

இதனிடையே, ஜெயம் ரவியும் தன் பெயரை அருண்மொழி வர்மன் என மாற்றியுள்ளதால் அவரது ப்ளூ டிக்கும் பறிபோகியுள்ளது குறிப்பிடத்தக்கது.