ஆள விடுங்க பிளீஸ்? சினிமாவிற்கு கும்பிடு போடும் திரிஷா? அதிர்ச்சியில் ரசிகர்கள்!

தொடர் தோல்விகள்!

சமீப காலமாக திரிஷா நடித்த எந்த திரைப்படமும் அவ்வளவாக வெற்றியடையவில்லை. மணிரத்னம் இயக்கிய “பொன்னியின் செல்வன்” திரைப்படம் அவருக்கு மிகப்பெரிய பெயரை பெற்றுத்தந்தது. ஆனால் அதன் இரண்டாம் பாகம் சரியாக போகவில்லை. 

அதனை தொடர்ந்து அவர் அஜித்துடன் இணைந்து நடித்த “விடாமுயற்சி” படுதோல்வியை தழுவியது. மீண்டும் அஜித்துடன் இணைந்து “குட் பேட் அக்லி” திரைப்படத்தில் நடித்தார். அத்திரைப்படம் நல்ல வசூலை பெற்றிருந்தாலும் அத்திரைப்படம் அதிகளவு விமர்சிக்கப்பட்டது. அதனை தொடர்ந்து அவர் நடித்த “தக் லைஃப்” திரைப்படம் மோசமான விமர்சனங்களை பெற்றது. குறிப்பாக திரிஷாவின் கதாபாத்திரம் ரசிக்கும்படியாக அமையவில்லை. 

திரிஷா எடுத்த திடீர் முடிவு

இவ்வாறு தான் நடித்த திரைப்படங்கள் தொடர் தோல்விகளை சந்தித்து வரும் நிலையில் திரிஷா திடீரென ஒரு முடிவெடுத்துள்ளாராம். அதாவது அடுத்த ஆண்டு வரை எந்த புது திரைப்படங்களிலும் ஒப்பந்தம் ஆக கூடாது என முடிவெடுத்துள்ளாராம். 

சூர்யாவின் “கருப்பு” திரைப்படத்தில் திரிஷா நடித்துள்ளார். இத்திரைப்படம் அடுத்த ஆண்டு பொங்கலை முன்னிட்டு வெளியாவதாக கூறப்படுகிறது. அந்த வகையில் இத்திரைப்படம் வெளியான பிறகு இத்திரைப்படத்தின் ரிசல்ட் என்ன என்று பார்த்துவிட்டு அதன் பின் புதிய படங்களில் ஒப்பந்தாமகலாம் என முடிவெடுத்துள்ளாராம். இச்செய்தி அவரது ரசிகர்களை சோகத்தில் மூழ்கடித்துள்ளது.