‘சிங் இன் தி ரெய்ன் 2.O’…21 ஆண்டுகளுக்கு பிறகு அதே ஸ்டைல், அதே ரியாக்ஷன்: வைரலாகும் வடிவேலு, பிரபு தேவா வீடியோ!!

சென்னை: நடிகர் பிரபுதேவா, வடிவேலு சந்தித்துக்கொண்ட போது சிங் இன் த ரெய்ன் என பிரபுதேவாவுடன் சேர்ந்து வடிவேலு பாடும் வீடியோ தற்போது வைரலாகி வருகிறது.

பிரபுதேவா நடிப்பில் 2001-ல் மனதை திருடி விட்டாய் என்ற திரைப்படம் வெளியானது. இதில், வடிவேலுவும் நடித்திருப்பார். இந்தப் படத்தில் இருவரும் இடம்பெறும் காமெடி காட்சிகள் இன்றளவும் ரசிக்கப்படுகின்றன.

ஒய் ப்ளட் சேம் ப்ளட் என வடிவேலு கூறும் டயலாக் இன்றைக்கும் மீம் மெட்டீரியலாகவும், டைமிக் டயலாக்காகவும் பயன்படுத்தப்படுகிறது.

மனதை திருடி விட்டாய் படத்தில் ‘சிங் இன் த ரெய்ன்’ என ஒரு காட்சியில் வடிவேலு பாடல் பாடுவார். இந்த பாடல் மிகப்பெரும் வரவேற்பை பெற்றது. இந்நிலையில் பிரபுதேவாவும், வடிவேலுவும் திடீரென சந்தித்த நிலையில், பிரபுதேவாவுக்காக அவருடன் சேர்ந்து வடிவேலு சிங் இன் த ரெய்ன் பாடலை பாடியுள்ளார்.

இணையத்தில் வைரலாகும் அந்த வீடியோவில் வடிவேலு, பிரபுதேவாவைக் கட்டிப் பிடித்து ‘சிங் இன் த ரெயின்’ பாடலைப் பாடி, மகிழ்ந்துள்ளார். இதுகுறித்து தன்னுடைய டுவிட்டர் பக்கத்தில் பதிவிட்டுள்ள நடிகர் பிரபுதேவா ‘நட்பு’ என ஒரே ஒரு வார்த்தையில் குறிப்பிட்டுள்ளார்.

Views: - 1590

0

1