வசூல் ராஜாவின் உண்மைப்பெயர் ஆடமா; தெறிக்க விடும் உண்மைக் கதை!

வசூல் ராஜா MBBS கமல் நடிப்பில் சரண் இயக்கத்தில் 2004 ஆம் ஆண்டு வெளிவந்த திரைப்படம். கமலுடன் சினேகா, பிரபு, பிரகாஷ்ராஜ், நாகேஷ், மாளவிகா போன்ற பலரும் நடித்திருந்தனர். இந்தித் திரைப்படம் ஹிந்தியில் வெளிவந்த முன்னாபாய் எம்.பி.பி.எஸ் திரைப்படத்தின் மறு உருவாக்கம் என சொல்லப்பட்டது.

ஆங்கிலத்தில் இதைப் போன்ற ஒரு திரைப்படம் 1998-களிலேயே வந்து விட்டது. அன்பை சிகிச்சையாக வழங்குவதும் சிரிப்பால் நோயை குணப்படுத்துவதும் இத்திரைப்படத்தின் கதை. அமெரிக்க வாழ்க்கை வரலாற்று நகைச்சுவை-நாடகத் திரைப்படம். டாம் ஷாடியாக் இயக்கினார்.
ஜுமாஞ்சி புகழ் ராபின் வில்லியம்ஸ் கதாநாயகனாக நடித்திருப்பார்.மோனிகா பாட்டர், பிலிப் சீமோர் ஹாஃப்மேன், பாப் குன்டன் ஆகியோர் நடித்தனர். 1960களின் பிற்பகுதியிலும் 1970களின் முற்பகுதியிலும் வாழ்ந்த “பேட்ச்” ஆடம்ஸின் வாழ்க்கைக் கதையை மையமாகக் கொண்டு எடுக்கப்பட்டது.

டாக்டர். ஆடம்ஸ் மற்றும் மவுரீன் மைலாண்டரின் இணைந்து எழுதிய
Gesundheit: Good Health Is a Laughing Matter என்ற புத்தகத்தை அடிப்படையாகக் கொண்டது. திரைப்படம் பாக்ஸ் ஆபிஸில் வெற்றி பெற்றது $202.3 மில்லியன் அமெக்க டாலரை வசூலித்தது

ஆனால் ஆடம்ஸ் இந்த திரைப்படத்தை கடுமையாக விமர்சித்தார், இது பணம் ஈட்டுவதற்காக எடுக்கப்பட்டு அவருடைய உண்மையான எண்ணத்தை காட்டவில்லை, அவரை பற்றி சரியாக சொல்லவில்லை என குற்றம் சாட்டினார். அவரை ஒரு வேடிக்கையான மருத்துவராக சித்தரித்ததாக அவர் தெரிவித்தார்.