பார்த்த உடனே பிடிக்கும் “பத்து தல” பார்க்க பார்க்க தான் பிடிக்கும் “விடுதலை” – சிம்பு இமேஜ் காலி!

Author: Shree
6 April 2023, 9:12 am
viduthla
Quick Share

பொதுவாக பெரிய நடிகர்கள் இருவரின் படங்கள் ஒரே நேரத்தில் போட்டிப்போட்டுக்கொண்டு வெளியாகி யார் பெருசு என வசூலில் மோதிக்கொள்வார்கள். அப்படித்தான் ரஜினி- கமல், அஜித் விஜய் , சிம்பு தனுஷ் என இருந்த காலம் மாறி தற்போது சிம்பு – சூரி என போட்டி ஆரம்பித்தது.

சிம்பு தமிழ் சினிமாவில் நட்சத்திர இளம் நடிகராக இருந்த காலம் மாறி காமெடி நடிகர் சூரியுடன் போட்டிபோடுவதை பலர் விமர்சித்தனர். பத்து தல படம் – சூரியின் விடுதலை படத்துடன் மோதி முதல் நாள் கலெக்ஷன் அள்ளியது.

அதன் பின்னர் பத்துதல படத்திற்கு கலவையலான விமர்சனங்கள் வந்தது, வசூலில் சறுக்கலை சந்தித்தது. பின்னர் போட்டியில் பின் தங்கி வருகிறது. ஆக்ஷன் காட்சிகளுடன்விறுவிறுப்பாக கதை சென்றாலும் வெற்றிமாறனின் கதைக்கு ஈடாக முடியவில்லை. இது தான் படத்தோல்விக்கு மிகப்பெரிய காரணமாகவும் அமைந்தது.

சிம்புவின் பத்து தல படம் வெளிவந்து 6 நாட்கள் முடிவடைந்துள்ள நிலையில் பின்னடைவு சற்று மோசமான வசூல் தான் கிடைத்துள்ளது. 6ஆம் நாள் முடிவில் உலகம் முழுவதும் ரூ.51 கோடிக்கு மேல் இருக்கும் என மதிப்பிடப்பட்டுள்ளது, அதே நேரத்தில் படத்தின் தமிழ்நாட்டு வசூல் ரூ.32 கோடியைத் தாண்டியுள்ளதாக தகவல் கூறுகிறது.

சூரியின் விடுதலை, கதை ரீதியாகவும் வெற்றியடைந்துள்ளது. சூரிக்கு கதாநாயகனாக அறிமுகாகிய முதல் படமே நல்ல வெற்றி கொடுத்துள்ளது. இப்படம் வெளிவந்த முதல் நாளில் ரூ. 6.5 கோடி வரை வசூல் செய்திருந்தது. இரண்டாவது நாட்கள் முடிவில் சுமார் ரூ. 13 கோடிக்கும் மேல் வசூல் ஈட்டியுள்ளது. கடைசியாக 6ம் நாள் வசூல் 35.50 கோடி வசூல் ஈட்டி சாதனை படைத்துள்ளது. இன்னும் வரும் நாட்களில் பத்துதல தொய்வடைந்து சூரியின் விடுதலை டாப்பில் வந்துவிடும் என்று கணிக்கிறது சினிமா வட்டாரம்.

Views: - 683

0

3