தமிழில் முதன் முறையாக இணையும் மலையாள ஜோடி; எகிறியிருக்கும் எதிர்பார்ப்பு

நல்ல திரைப்படங்களை தேர்ந்தடுத்து நடிப்பதில் வல்லவர் விஜய் சேதுபதி.அவரது 50வது படமான மஹாராஜா அவருக்கு மறக்க முடியாத வெற்றிப்படமாக அமைந்துள்ளது. இந்தப் படத்தை தொடர்ந்து விஜய் சேதுபதி நடிப்பில் அடுத்தடுத்து படங்கள் வெளியாக உள்ளது. அதுமட்டுமல்லாமல் மிஷ்கின் இயக்கத்தில் பிசாசு 2 படத்தில் விஜய் சேதுபதி நடித்து முடித்துள்ள நிலையில் மீண்டும் மிஷ்கின் இயக்கத்திலேயே டிரெயின் திரைப்படத்திலும் நடித்து வருகிறார்.

இந்நிலையில் விஜய் சேதுபதியின் அடுத்த படம் குறித்த தகவல்கள் தற்போது வெளியாகியுள்ளன. இயக்குனர் பாண்டிராஜுடன் அவர் இணையவுள்ளதாக கூறப்பட்டுள்ளது. இந்தப் படத்தில் நித்யா மேனன் விஜய் சேதுபதியின் ஜோடியாக நடிக்க உள்ளதாக திரை வட்டாரம் சொல்கிறது.இவர்கள் தமிழில் இணைவது முதல் முறை என்றாலும் இந்த ஜோடி ஏற்கனவே மலையாளத்தில்
19 (1) (ஏ) என்ற திரைப்படத்தில் 2022 இல் இணைந்து நடித்திருந்தனர்.

அந்த திரைப்படத்தை இந்து வி.எஸ் இயக்கியிருந்தார். நமது அரசியலமைப்பு சட்டத்தின் 19(1) (a) பிரிவை சொல்வதாக அந்த படம் இருந்தது. பேச்சு மற்றும் கருத்து சுதந்திரத்தை சொல்வது இச்சட்டம்.

இந்நிலையில் தமிழில் இவர்கள் இருவரும் இணையவுள்ளது மிகப்பெரிய எதிர்பார்ப்பை ஏற்படுத்தியுள்ளது.