நடிக்க வாய்ப்பு வேணுமா? ஹோட்டல் ரூமுக்கு வா… நகைச்சுவை நடிகைக்கு நடந்த கொடுமை!!

பட வாய்ப்புக்காக தனக்கு நடந்த மோசமான அனுபவத்தை பகிர்ந்துள்ளார் பிரபல நகைச்சுவை நடிகை.

தமிழ் திரையுலகில் நகைச்சுவை நடிகையாக பிரபலமான ஒரு பெண் கலைஞர், தனது வாழ்க்கையில் நேர்ந்த ஒரு கசப்பான அனுபவத்தை பகிர்ந்து கொண்டுள்ளார்.

2008ஆம் ஆண்டு ‘நகைச்சுவை நாயகி’ என்ற படத்தில் அறிமுகமான கீதா சிங், தனது தனித்துவமான நகைச்சுவை நடிப்பால் ரசிகர்களின் மனதில் இடம்பிடித்தவர்.

திரையுலகில் தனக்கு கிடைத்த வாய்ப்புகளையும், எதிர்கொண்ட சவால்களையும் வெளிப்படையாகப் பேசியுள்ளார்.ஒரு முறை, பிரபல இயக்குநர் ஒருவர் தனது படத்தில் முக்கியமான கதாபாத்திரம் ஒன்றை வழங்குவதாக உறுதியளித்தார்.

“இனி என் திரைப்பயணம் பிரகாசமாக இருக்கும், என் கனவுகள் நனவாகப் போகின்றன,” என்று மனதில் நம்பிக்கை பிறந்தது. ஆனால், அந்த இயக்குநரின் அழைப்பு அவருக்கு அதிர்ச்சியை ஏற்படுத்தியது. “ஒரு முக்கியமான விஷயத்தைப் பேச வேண்டும், ஒரு ஹோட்டலுக்கு வா,” என்று அவர் கூறியபோது, அந்த அழைப்பில் ஏதோ முரண்பாடு இருப்பது புரிந்தது.

தனது மனசாட்சிக்கு எதிராக செயல்பட முடியாது என்று உறுதியாக மறுத்த கீதா, “நான் ஹோட்டலுக்கு வர முடியாது, படத்தில் நடிக்க வேண்டும் என்றால் என் திறமையை மட்டும் பாருங்கள்,” என்று தெளிவாகக் கூறிவிட்டார்.

ஆனால், அந்த மறுப்பு அவருக்கு பெரிய விலையாக அமைந்தது. அந்தப் படத்தில் நடிக்கும் வாய்ப்பு அவருக்கு மறுக்கப்பட்டு, வேறொரு நடிகைக்கு அந்த கதாபாத்திரம் வழங்கப்பட்டது.

அந்த ஒரு வாய்ப்பு எனக்குக் கிடைத்திருந்தால், இன்று நான் தமிழ் சினிமாவில் முன்னணி நகைச்சுவை நடிகையாக இருந்திருப்பேன், என்று கீதா வருத்தத்துடன் கூறுகிறார். ஆனால், தவறான பாதையில் செல்ல விரும்பாத அவர், தனது நடிப்புத் திறமையை நம்பி தொடர்ந்து போராடினார்.

“நான் மட்டுமல்ல, பல நடிகைகள் இதுபோன்ற சவால்களை எதிர்கொள்கிறார்கள். ஆனால், நேர்மையுடன் போராடினால் வெற்றி நிச்சயம் கிடைக்கும்,” என்று கீதா சிங் நம்பிக்கையுடன் தெரிவிக்கிறார்.

திரையுலகில் நடிகைகள் எதிர்கொள்ளும் ‘காஸ்டிங் கவுச்’ போன்ற சவால்களைப் பற்றி வெளிப்படையாகப் பேசிய கீதா சிங்கின் அனுபவம், பலருக்கு உத்வேகமாக அமைந்துள்ளது.

பல தமிழ் திரப்படங்களில் நடித்துள் இவர் ஜெய், ஒன்பதுல குரு போன்ற படங்களில் முக்கிய கதாபாத்திரங்களில் நடித்துள்ளார்.