சேர்ந்தா இப்படி ஒரு கம்பெனில வேலைக்கு சேரணும்.. Reliance ஊழியர்களுக்கு அம்பானி கொடுத்த GIFT..!(Video)

இந்தியாவின் பெரும் பணக்காரர்களில் முதல் ஆளாக இருந்து வருபவர் முகேஷ் அம்பானி. ரிலையன்ஸ் என்ற மாபெரும் சாம்ராஜ்யத்தை உருவாக்கி உலகமே அண்ணாந்து பார்க்கும் வகையில் வானளவு உயர்ந்திருக்கும் அம்பானி சுமார் ரூ. 9,43,091 கோடி ரூபாய் சொத்து வைத்திருக்கிறார். இதன் மூலம் உலகத்தின் 11வது பெரும் பணக்காரர் என்ற இடத்தை பிடித்துள்ளார் முகேஷ் அம்பானி.

முகேஷ் அம்பானிக்கு ஆகாஷ் அம்பானி – இஷா அம்பானி என்ற இரட்டை குழந்தையும், ஆனந்த் அம்பானி என்ற இளைய மகனும் உள்ளனர். இதில் ஆனந்த் அம்பானிக்கு வருகிற ஜூலை 12ம் தேதி திருமணம். இந்தியாவின் பணக்கார பில்லியனர்களில் ஒருவரான வீரன் ஏ. மெர்ச்சந்த் என்ற வைர வியாபாரின் மகள் ராதிகா மெர்ச்சந்த்தை சில ஆண்டுகள் காதலித்து அண்மையில் நிச்சயதார்த்தம் செய்துக்கொண்டனர். இந்த Pre Wedding கொண்டாட்டம் குஜராத்தின் ஜாம் நகரில் உள்ள அம்பானியின் வீட்டில் நடைபெற்றது. இத்திருமணத்தில், உலக புகழ் பெற்ற தொழிலதிபர்கள், அரசியல் தலைவர்கள் மற்றும் பிரபலங்களும் கலந்து கொண்டார்கள்.

தற்போது, இந்தியாவின் ஹார்ட் டாப்பிக்காகவே மாறும் அளவிற்கு இவர்களது திருமண கொண்டாட்டங்கள் பேசுபொருளாக உள்ளது. இதில், அம்பானி குடும்பத்தினர் அணிந்திருந்த ஆடைகள் மற்றும் நகைகள் பெரிதும் கவனம் பெற்றது. மேலும், நிகழ்ச்சியில் பங்கேற்கும் பிரபலங்களின் ஆடைகள் புகைப்படங்கள் என அனைத்தும் வைரலாகி வருகிறது. இந்நிலையில், இந்த திருமணத்தை ஒட்டி ரிலையன்ஸ் ஊழியர்களுக்கு வழங்கப்பட்ட கிப்ட்ஸ் பாக்ஸ் ஒன்று வைரலாகியுள்ளது. அந்த பாக்ஸில் உள்ள பொருட்களை ஊழியர்கள் பலர் சமூக வலைதளங்களில் பகிர்ந்துள்ளன. அதில், இனிப்புகள், மிச்சர் வகைகள், வெளி நாணயங்கள் போன்றவை இடம்பெற்றுள்ளது. இதனை பார்த்த நெட்டிசன்கள் சேர்ந்தால் இந்த மாதிரி கம்பெனியில் வேலைக்கு சேரனும் என்று கமெண்ட்களில் தெரிவித்து வருகின்றனர்.