உங்க வீட்டு குட்டீஸூக்கு இனி வீட்டிலே செய்து தரலாம் கிரீம் பிஸ்கட்!!!

குழந்தைகளுக்கு பிஸ்கட் என்றாலே ரொம்ப பிடிக்கும். அதிலும் க்ரீம் பிஸ்கட் மிகவும் விரும்பி ‌சாப்பிடுவர். குழந்தைகள் விரும்பி சாப்பிடும் இந்த பிஸ்கட் வீட்டிலேயே நாம் செய்து கொடுக்கலாம்.

தேவையான பொருட்கள்:

மைதா – 300(கிராம்)

கோக்கோ பவுடர் – 3 1/2 டேபிள்ஸ்பூன்

சமையல் சோடா – 1/2 டீஸ்பூன்

ஏலக்காய்த்தூள் – 1/2 டீஸ்பூன்

பால் – 4 டேபிள்ஸ்பூன்

தேன் – 2 டேபிள்ஸ்பூன்

சர்க்கரை – 150(கிராம்)

வெண்ணெய் – 150(கிராம்)

க்ரீம் செய்ய தேவையானவை:

கோக்கோ பவுடர் -1 டேபிள்ஸ்பூன்

பொடித்த சர்க்கரை – 50(கிராம்)

வெண்ணெய் – 30(கிராம்)

செய்முறை:

* முதலில் மைதா, சமையல் சோடா, ஏலக்காய்த்தூள், கோக்கோ பவுடர் ஆகியவற்றை ஒன்றாக சேர்த்து சலித்துக் கொள்ளவும்.

* பிறகு ஒரு பாத்திரத்தில் வெண்ணெய், பொடித்த சர்க்கரை சேர்த்துக் குழைய அடித்து, தேன் சேர்த்து நன்கு கலக்கவும்.

* பிறகு இதில் சலித்த மாவை கட்டிதட்டாமல் சேர்க்கவும். அடுத்து பால் சிறிதளவு தெளித்து சப்பாத்தி மாவு போல் பிசைந்து கொள்ளவும்.

* பின்பு பிசைந்த மாவை வட்டமாக பிஸ்கட் கட்டர் அல்லது மூடியை வைத்து அழுத்தி வெட்டி எடுத்து வைத்துக் கொள்ளவும்.

* பிறகு பிஸ்கெட்டின் மேல் முள்கரண்டியால் லேசாக குத்தி சர்க்கரை தூவி ஓவனில் 180 டிகிரி சென்டி கிரேடில் 15 நிமிடங்கள் பேக் செய்யவும்.

*க்ரீம் செய்ய தேவையான வெண்ணெய், பொடித்த சர்க்கரை, கோக்கோபவுடர் எல்லாவற்றையும், ஒரு பாத்திரத்தில் போட்டு நன்கு குழைய அடித்து எடுத்து வைத்துக் கொள்ளவும்.

*பிறகு பேக் செய்த பிஸ்கெட் இரண்டு எடுத்துக் கொள்ளவும். 2 பிஸ்கெட்களுக்கு நடுவே க்ரீம் தடவி மூடவும். இப்படியே எல்லா பிஸ்கெட்களையும் தயார் செய்யவும்.

* இப்போது சுவையான, டேஸ்டியான மற்றும் குழந்தைகள் விரும்பி சாப்பிடும் க்ரீம் பிஸ்கெட் ரெடி.

Views: - 753

0

0