ஆவி பறக்கும் இட்லி கூட தொட்டு சாப்பிட காரசாரமான வெங்காய சட்னி!!!

இட்லி, தோசைக்கு பல விதமான சட்னி, சாம்பார் வகைகள் இருந்தாலும் காரசாரமான வெங்காய சட்னிக்கு ஈடு இணை இருக்கவே முடியாது. சின்ன வெங்காயம் சேர்த்து காரசாரமான வெங்காய சட்னி எப்படி செய்வது என பார்க்கலாம் வாங்க…

தேவையான பொருட்கள்:

சின்ன வெங்காயம்- 15 தக்காளி- 2
உளுத்தம் பருப்பு- ஒரு தேக்கரண்டி
இஞ்சி- ஒரு சிறு துண்டு

பூண்டு பல்- 2
பச்சை மிளகாய்- 2
புளி- சிறு நெல்லிக்காய் அளவு
கருவேப்பிலை- இரண்டு கொத்து
கொத்தமல்லி தழை- ஒரு கைப்பிடி
உப்பு- தேவையான அளவு

தாளிக்க:
நல்லெண்ணெய்- ஒரு தேக்கரண்டி
கடுகு- 1/4 தேக்கரண்டி
சீரகம்- 1/4 தேக்கரண்டி கருவேப்பிலை- ஒரு கொத்து
வர மிளகாய்- ஒன்று

செய்முறை:
*ஒரு கடாயை அடுப்பில் வைத்து எண்ணெய் ஊற்றவும்.

*எண்ணெய் காய்ந்ததும் உளுத்தம்பருப்பு சேர்த்து வறுக்கவும்.

*பின்னர் வெங்காயம், சம அளவு இஞ்சி மற்றும் பூண்டு சேர்த்து வதக்கவும்.

*வெங்காயம் வதங்கிய பின் பச்சை மிளகாய் மற்றும் பச்சை மிளகாய் சேர்த்து கொள்ளலாம்.

*தக்காளி நன்றாக வதங்கியதும் கறிவேப்பிலை, கொத்தமல்லி தழை மற்றும் புளி சேர்த்து வதக்கி அடுப்பை அணைத்து கொள்ளுங்கள்.

*இந்த கலவை நன்கு ஆறியதும் மிக்ஸி ஜாரில் சேர்த்து உப்பு போட்டு நைசாக அரைத்து எடுத்து கொள்ளலாம்.

*இந்த சட்னியை ஒரு தாளிப்பதற்கு கடாயில் எண்ணெய் ஊற்றி கடுகு, சீரகம், கறிவேப்பிலை மற்றும் வர மிளகாய் சேர்த்து தாளித்து கொட்டவும்.

*அவ்வளவு தான்… காரசாரமான வெங்காய சட்னி தயார்.

Views: - 907

0

0