பச்சை பயறு பிடிக்காதுன்னு சொல்றவங்க கூட இத விரும்பி சாப்பிடுவாங்க!!!

பச்சைப்பயறு மசியல் மிகவும் ஆரோக்கியமும், சத்தும் நிறைந்த ரெசிபி. வாரத்தில் ஒரு முறையாவது பயிறு வகைகளை உணவில் சேர்த்துக் கொள்ள வேண்டும். இரும்புச்சத்தும், புரதச்சத்தும் நிறைந்த பச்சைப்பயறு மசியல் எப்படி செய்வது என்று பார்ப்போம்.

தேவையான பொருட்கள்:

பச்சைப் பயறு – 1 கப்

பெரிய வெங்காயம் – 1

பச்சைமிளகாய் – 2

தக்காளி – 2

மஞ்சள்தூள் – 1/4 டீஸ்பூன்

மல்லித்தூள் -1 டீஸ்பூன்

சீரகத்தூள் – 1/4 டீஸ்பூன்

கொத்தமல்லி தழை – தேவையான அளவு

புதினா – தேவையான அளவு

உப்பு – தேவையான அளவு

எண்ணெய் – தேவையான அளவு

செய்முறை:

*முதலில் பச்சை பயறுடன் மூன்று கப் தண்ணீர் சேர்த்து 2 மணி நேரம் ஊற வைக்கவும்.

* பின்பு அப்படியே அடுப்பில் வைத்து பச்சைமிளகாய் சேர்த்து வேகவிடவும்.

* அடுத்ததாக இன்னொரு அடுப்பில், வாணலியை வைத்து எண்ணெய் ஊற்றி காய்ந்ததும் கடுகு, உளுத்தம்பருப்பு தாளித்து , நறுக்கிய வெங்காயம், தக்காளி துண்டுகளை சேர்த்து வதக்கவும்.

* அடுத்து மஞ்சள்தூள், மல்லித்தூள், சீரகத்தூள் மற்றும் உப்பு சேர்த்து வதக்கவும்.

* பின்பு அப்படியே பச்சைப்பயறை ஒன்றிரண்டாக மசித்து சேர்க்கவும்.

* பின்னர் வதங்கி கொண்டிருக்கும் கலவையோடு நீர் சேர்த்து சற்று தளர்ச்சியாகக் கொதிக்க வைத்து இறக்கவும்.

* பின்பு புதினா, கொத்தமல்லி தழை தூவி பரிமாறவும்.

* இப்போது சுவையான கமகமக்கும் பச்சைப்பயறு மசியல் தயார்.

* விருப்பப்பட்டால் எலுமிச்சை சாறு சேர்த்து கொள்ளலாம்.

Views: - 935

0

0