அட்டகாசமான சுவையில் அனைவருக்கும் பிடித்த கோதுமை டேட்ஸ் அல்வா!!!

பேரீச்சம் பழம் மற்றும் கோதுமை சேர்த்து செய்யப்படும் இந்த அல்வா, குழந்தைகள் முதல் பெரியவர்கள் வரை அனைவரும் விரும்பி ‌சாப்பிடுவர். வாங்க இந்த கோதுமை டேட்ஸ் அல்வா எப்படி செய்வது என்று பார்ப்போம்.

தேவையான பொருட்கள்:

பேரீச்சம் பழம் – 50(கிராம்)

கோதுமை – 1 கப்

பால் -1/4 லிட்டர்

சர்க்கரை – 400(கிராம்)

முந்திரி – 25(கிராம்)

நெய் – 150( கிராம்)

செய்முறை:

*முதலில் பேரீச்சை பழத்தைச் சிறு துண்டுகளாக நறுக்கி பாலில் சேர்த்து அடுப்பில் வைத்து வேகவிடவும்.

* இன்னொரு அடுப்பில் நெய் மற்றும் கோதுமை சேர்த்துத் தளர்ச்சியாக வறுத்து தனியே எடுத்து வைக்கவும்.

* பிறகு சர்க்கரை மூழ்கும் வரை நீர் விட்டுக் கரைத்து பாகாகி வரும் போது , பாலோடு வெந்து திரண்டிருக்கும் பேரீச்சையை நன்கு மசித்து, சர்க்கரை பாகில் சேர்க்கவும்.

* பிறகு அதில், வறுத்த கோதுமை மாவு மற்றும் மீந்திருக்கும் நெய் சேர்த்துக் கைவிடாமல் கிளறவும்.

* நன்றாக நெய் பிரிந்து கரண்டியிலிருந்து வழுக்கி விழும் நிலையில் வந்தவுடன், நெய்யில் வறுத்த முந்திரி சேர்த்து இறக்கி விடவும்.

* மிகவும் சுவையான, கமகமக்கும் கோதுமை பேரீச்சை அல்வா தயார்.

Views: - 760

0

0