பெண்களே அழகு மட்டுமல்ல! ஆரோக்கியமாகவும் இருக்க உங்கள் உணவில் இதெல்லாமும் சேர்த்துக்கோங்க!

By: Dhivagar
6 September 2021, 5:38 pm
5 Foods that every woman should include in her diet
Quick Share

ஆரோக்கியமான, சீரான உணவை உட்கொள்வது கட்டாயமாக இருந்தாலும், ஒவ்வொரு பெண்ணும் தனது உணவில் சேர்க்க வேண்டிய உணவுகள் என்று சில உள்ளன. இந்த உணவுகளை பெண்களின் ஒட்டுமொத்த ஆரோக்கியத்திற்கு மட்டுமல்ல, அழகையும் கொடுக்கும் அதே சமயம் உண்மையில் பல வியாதிகளிலிருந்து உங்களைப் பாதுகாக்கவும் உதவும்.

கீரைகள்

பல பெண்களுக்கும் கீரைகள் என்பது பிடிக்காத உணவாக இருக்கலாம். ஆனால் கீரையில் பல வகையான தாதுக்கள் மற்றும் வைட்டமின்கள் உள்ளன, அதை சாப்பிடாமல் இருப்பது மிகப்பெரிய தவறு. PMS அறிகுறிகளைக் குறைப்பதாகக் கூறப்படும் மெக்னீசியம் தாது இந்த கீரைகளில் நிரம்பியுள்ளது. அதே சமயம் கீரை நல்ல எலும்பு ஆரோக்கியத்தை வழங்கும், இரத்த சர்க்கரையை கட்டுக்குள் வைத்துக்கொள்ள உதவும், ஆஸ்துமா போன்ற நோய்களின் தாக்குதலின் அபாயத்தைக் குறைக்கவும் உதவியாக இருக்கும்.

ஆளி விதைகள்

ஒமேகா-3 கொழுப்பு அமிலங்கள் தாராள அளவுகளில்  நிறைந்து காணப்படும் ஆளி விதைகள் உங்கள் இதயம் மற்றும் இரத்த சர்க்கரை அளவுகளை சீராக வைத்துக்கொள்ள மிகவும் சிறந்தது. சக்தி வாய்ந்த அழற்சி எதிர்ப்பு பண்புகள் கொண்ட, ஆளி விதைகளை தினமும் சாப்பிடுவது உங்கள் ஆரோக்கியத்திற்கு சிறந்தது. அதுமட்டுமில்லாமல், ஆளி விதைகள் எரிச்சலூட்டும் குடல் நோய்க்குறியைக் குறைப்பதில் மிகவும் நல்லது.

கிரான்பெர்ரி (அ) குருதிநெல்லி

சுவையாக இருப்பதைத் தவிர, குருதிநெல்லிகள் உண்மையில் இதய நோய் மற்றும் பல் சிதைவிலிருந்து உங்களைப் பாதுகாக்க உதவியாக இருக்கும், மற்றும் ஒரு அளவிற்கு, சிறுநீர் பாதை நோய்த்தொற்றுகளையும் குணப்படுத்தும் வல்லமைக் கொண்டது. 

இது எதனால் என்றால், குருதிநெல்லி பைட்டோநியூட்ரியண்டுகளால் நிரம்பியுள்ளன, மேலும் அவற்றின் ஆக்ஸிஜனேற்ற மற்றும் அழற்சி எதிர்ப்பு பண்புகள் உங்களை பல வியாதிகளிலிருந்து பாதுகாக்கிறது.

தக்காளி

பெரும்பாலான இந்திய வீடுகளில் தக்காளி பிரதானமாக இருந்தாலும், பலர் இந்த பழத்தின் சக்தியை குறைத்து மதிப்பிடுகின்றனர். லைகோபீன் நிறமி, தக்காளியில் இருப்பதால், இது மார்பக புற்றுநோய் மற்றும் இதய நோய்களைக் குறைக்கிறது என்று ஆய்வுகள் மூலம் கண்டறியப்பட்டுள்ளது. அவை எலும்புகளின் ஆரோக்கியத்தை மேம்படுத்துகின்றன மற்றும் கொழுப்பைக் குறைக்க உதவுகின்றன.

ஓட்ஸ்

ஓட்ஸ் உங்கள் இதயத்திற்கு நல்லது, செரிமானத்தை மேம்படுத்துதல் மற்றும் இரத்த அழுத்தத்தைக் கட்டுப்படுத்துவது தவிர, PMS எனும் முன்கூட்டிய மாதவிடாய் அறிகுறி பிரச்சினையிலிருந்தும், அதனுடன் தொடர்புடைய மனநிலை மாற்றங்களையும் தடுக்க உதவுகிறது. இந்த உணவு நார்ச்சத்து நிறைந்தது என்பதால் கொழுப்பைக் குறைத்து, உங்கள் இரைப்பை குடல் சீராக இயங்க வைக்கும்.

Views: - 171

0

0

Leave a Reply