உடற்பயிற்சியை முடித்த கையோட பாதாம் பருப்பு சாப்பிட்டா எவ்வளோ நல்லது தெரியுமா???

வொர்க்அவுட்டிற்கு முன் சூப்பர்ஃபுட்கள் சாப்பிடுவது எவ்வளவு இன்றியமையாததோ, நோய் எதிர்ப்பு சக்தியை அதிகரிக்கவும் தசை வலிமையை வளர்க்கவும் உடற்பயிற்சிக்குப் பின் உணவுகளை உட்கொள்வதும் அவசியம். அந்த வகையில் பாதாம் ஒரு ஆரோக்கியமான, ஊட்டச்சத்து நிறைந்த சிற்றுண்டியாகும். வொர்க்அவுட்டுக்கு முன் பாதாம் சாப்பிடுவதால் சில சிறப்பு ஆரோக்கிய நன்மைகள் உள்ளன. அது குறித்து இப்போது தெரிந்து கொள்ளலாம்.

பாதாமில் அதிக புரதச்சத்து, ஆரோக்கியமான கொழுப்புகள் மற்றும் பிற ஊட்டச்சத்துக்கள் உள்ளன. உங்கள் தினசரி வைட்டமின் ஈ தேவைக்கும் பாதாம் பருப்பு பங்களிக்கின்றன.

வொர்க்அவுட்டிற்குப் பிறகு பாதாம் பருப்பு ஒரு சிறந்த சிற்றுண்டியாக ஏன் அமைகிறது:-

1. பாதாம் தசையை சரிசெய்து கட்டமைக்க உதவுகிறது
நிபுணர்களின் கூற்றுப்படி, தசைகளை உருவாக்குவதற்கு அமினோ அமிலங்கள் அவசியம். இவை அனைத்தும் பாதாம் பருப்பில் நிறைந்துள்ளது. நீங்கள் உடற்பயிற்சி செய்யும் போது, உங்கள் தசைகள் உடைந்து அமினோ அமிலங்களை இழக்கின்றன. உங்கள் வொர்க்அவுட்டிற்குப் பிறகு பாதாமை உட்கொள்வது இந்த முறிவைத் தடுக்கும் மற்றும் தசையை உருவாக்க உதவுகிறது.

2. பாதாம் உடலின் ஊட்டச்சத்துக்களை மீட்டெடுக்க உதவுகின்றன.
ஒரு உடற்பயிற்சிக்குப் பிறகு, உங்கள் உடலானது அதன் அத்தியாவசிய ஊட்டச்சத்துக்களில் சிலவற்றைக் குறைக்கும். வொர்க்அவுட்டிற்குப் பிறகு பாதாம் பருப்பை உட்கொள்வது ஒட்டுமொத்த ஆரோக்கியத்திற்குத் தேவையான முக்கிய வைட்டமின்கள் மற்றும் தாதுக்களை நிரப்ப உதவும்.

3. பாதாம் உங்கள் நோய் எதிர்ப்பு சக்தியை மேம்படுத்துகிறது. உடலில் உள்ள நோய்களைத் தடுக்க நோயெதிர்ப்பு அமைப்பு முக்கிய பொறுப்பு வகிக்கிறது. மேலும் பாதாம் அதை வலுப்படுத்த உதவும். வலுவான நோய் எதிர்ப்பு சக்தி உடலில் உருவாகும் எந்தவொரு நோயையும் எதிர்த்துப் போராட உதவும் என்பது அறியப்படுகிறது. எனவே, ஆரோக்கியமான வாழ்க்கை வாழ உங்கள் நோய் எதிர்ப்பு சக்தியை உருவாக்குவது முக்கியம்.

4. சோர்வைத் தடுக்க உதவுகிறது.
நீங்கள் ஒரு தீவிரமான உடற்பயிற்சியில் ஈடுபடும்போது, உங்கள் உடல் சோர்வடையும். வொர்க்அவுட்டிற்குப் பிறகு பாதாம் பருப்பு சாப்பிடுவது உங்கள் உடலுக்கு இயற்கையான ஊக்கத்தை அளிக்கும் மற்றும் சோர்வைத் தவிர்க்க உதவும்.