உங்கள் துணைவரிடத்தில் நீங்கள் இழந்த நம்பிக்கையை மீண்டும் பெறுவது எப்படி…???

Author: Hemalatha Ramkumar
8 November 2021, 12:44 pm
Quick Share

நீங்கள் ஒரு மோசமான சண்டை அல்லது தவறான புரிதலுக்குப் பிறகு உங்கள் துணையின் நம்பிக்கையைத் திரும்பப் பெறுவது மிகவும் கடினம். முதலில் உங்களுக்குத் தோன்றுவது போல் நீங்கள் அதை எளிதாகக் கண்டுபிடிக்க முடியாது. ஆனால் அவருடைய நம்பிக்கையை உங்களால் திரும்ப பெற முடியாது என்பதற்காக உங்கள் அன்பை விட்டுவிடுவது முட்டாள்தனமான செயல். உங்கள் துணையின் நம்பிக்கையை மீண்டும் பெறவும், உங்கள் உறவை மீண்டும் பாதையில் கொண்டு வரவும் சில வழிகள் உங்களுக்கு உதவும். அது என்ன என்பதை இப்போது பார்க்கலாம்.

1. என்ன தவறு நடந்தது என்பதைக் கண்டறியவும்:
உங்கள் துணைவரின் நம்பிக்கையை மீண்டும் பெற நீங்கள் தயாராக இருந்தால், பிரச்சனைக்கான மூல காரணத்தை நீங்கள் கண்டுபிடிப்பது முக்கியம். உங்கள் துணைவர் உங்கள் மீதான நம்பிக்கையை இழக்கச் செய்தது என்ன என்பதை நீங்கள் புரிந்துகொள்வது முக்கியம். நீங்கள் பல வாக்குறுதிகளை மீறியது காரணமா அல்லது கடினமான காலங்களில் உங்கள் துணையை ஆதரிக்காதது காரணமா? உங்கள் துணைவரின் நம்பிக்கையை மீண்டும் பெறுவதற்கான வழியைக் கண்டறிய, கடந்த காலத்தில் நீங்கள் என்ன தவறான நடவடிக்கைகளை எடுத்தீர்கள் என்பதை ஒப்புக்கொள்வது அவசியம்.

2. உங்கள் துணைவருடன் தொடர்பு கொள்ளுங்கள்:
உங்களுக்கும் உங்கள் துணைவருக்கும் இடையே தொடர்பு குறைபாடு இருந்தால், உங்கள் உறவில் உள்ள சிக்கலைத் தீர்ப்பது கடினமாக இருக்கும். உங்களுக்கு மிகவும் சங்கடமாக இருந்தாலும் கூட, உங்கள் துணையுடன் தொடர்பு கொண்டு தவறான புரிதல்களை தீர்த்து வைப்பது நல்லது. இந்த வழியில் நீங்கள் உங்கள் உறவை புதுப்பிக்க முடியும். இதன் மூலம் உங்கள் தவறுகளுக்கு மன்னிப்பு கேட்கவும் முடியும். அவர் உங்கள் வாழ்க்கையில் இன்னும் முக்கியமானவர் என்பதை உங்கள் துணைவர் உங்களுக்குத் தெரியப்படுத்தலாம்.

3. உங்கள் துணைவருக்கு அவரது தனிப்பட்ட இடத்தை கொடுங்கள்:
உங்கள் துணைவருக்கான தனிப்பட்ட இடத்தை நீங்கள் அவருக்கு அளிக்கும்போது, ​​அது அவரை நன்றாக உணர செய்யும். உங்கள் துணைக்கு முடிவெடுக்க நேரம் தேவைப்படலாம். உங்களை ஏற்றுக்கொள்ள நீங்கள் அவருக்கு நேரம் கொடுக்கிறீர்கள் என்பதை நீங்கள் அவருக்கு உணர்த்துகிறீர்கள்.

4. உங்களை அழகாக்கிக் கொள்ள முயற்சி செய்யுங்கள்:
உங்கள் துணையின் நம்பிக்கையை மீண்டும் பெற நீங்கள் தயாராக இருந்தால், நீங்கள் அழகாகவும் கவர்ச்சியாகவும் இருப்பது முக்கியம். உங்கள் உறவில் விஷயங்கள் புதிதாக இருந்த நாட்களை உங்கள் துணைவருக்கு நினைவுப்படுத்துங்கள். உதாரணமாக, உங்கள் உறவின் ஆரம்ப நாட்களில் உங்கள் துணையை கவர நீங்கள் அணிந்த உடையை கொண்டு உங்களை அலங்கரிக்கலாம். எளிமையான வார்த்தைகளில் கூற வேண்டும் என்றால், உங்கள் துணவரை நீங்கள் உங்களை விரும்ப வைக்க வேண்டும். இது உங்கள் துணையை கவருவது மட்டுமின்றி உங்கள் மீதான அவரது நம்பிக்கையை திரும்ப பெறவும் உதவும்.

5. உங்கள் பழைய நினைவுகளை நினைவுபடுத்துங்கள்: உங்கள் பழைய நினைவுகளை நினைவுபடுத்துவதன் மூலம் உங்கள் துணையின் நம்பிக்கையை மீண்டும் பெறலாம். உங்கள் நினைவுகள் நீங்கள் ஒன்றாகக் கழித்த அழகான நேரத்தை உங்களுக்கு நினைவூட்டும். நீங்கள் நல்ல நேரங்களை நினைவுகூர முடியும். மேலும் இது உண்மையில் ஒருவருக்கொருவர் நெருக்கமாக வருவதற்கும் உங்களுக்கு உதவும்.

Views: - 451

0

0