ஹெல்தியா இருக்க இந்த மாதிரி உணவுகளை தினமும் சாப்பிட்டா கூட தப்பில்ல!!!

இன்றைய பிஸியான வாழ்க்கை முறையில் ஆரோக்கியமான உணவை பராமரிப்பது என்பது ஒரு சவாலாக அமைகிறது. ஆனால் இதற்காக நாம் வருந்த தேவை இல்லை. அத்தியாவசிய ஊட்டச்சத்துக்கள் நிறைந்த, அதே நேரத்தில் சுவையாக இருக்கும் பல்வேறு உணவுகள் இந்திய சமையல் முறையில் கிடைக்கிறது. பல பாரம்பரிய இந்திய உணவுகள் இயற்கையான பொருட்களைக் கொண்டு செய்யப்பட்டு நம்முடைய ஆரோக்கியத்தை மேம்படுத்துகிறது. இந்த உணவுகளில் நார்ச்சத்து, வைட்டமின்கள், மினரல்கள் மற்றும் ஆரோக்கியமான கொழுப்புகள் இருப்பதால் இது நம்முடைய நீண்ட கால ஆரோக்கியத்தில் பாசிட்டிவான தாக்கத்தை ஏற்படுத்துகிறது.

உங்களுடைய செரிமானத்தை மேம்படுத்த வேண்டும் என்றால் நீங்கள் ஒரு சரிவிகித உணவு சாப்பிட வேண்டும். இதற்கு இந்திய உணவுகள் ஒரு சிறந்த தீர்வாக அமைகின்றன. அந்த வகையில் ஆரோக்கியமாகவும், உடலை கட்டுக்கோப்பாகவும் வைத்துக் கொள்வதற்கு தினமும் நீங்கள் சாப்பிடக்கூடிய 5 ஊட்டச்சத்து நிறைந்த இந்திய உணவுகள் பற்றி இப்பொழுது பார்க்கலாம்.

பாசிப்பருப்பு கடையல்

பாசிப்பருப்பில் இரும்பு சத்து, மெக்னீசியம், பொட்டாசியம் மற்றும் நார்ச்சத்து போன்ற அத்தியாவசிய ஊட்டச்சத்துக்கள் இருப்பதால் இது நம்முடைய இதய ஆரோக்கியத்திற்கு நன்மை தந்து, ஆற்றலை அதிகரித்து, தசைகளை சரி செய்கிறது. உடல் எடையை கட்டுக்கோப்பாக வைக்க நினைப்பவர்களுக்கு இது ஒரு சிறந்த உணவு.

காய்கறி கிச்சடி 

கிச்சடி என்பது எளிமையாக செரிமானமாக கூடிய ஒரு உணவாக இருக்கிறது. நெய், இஞ்சி மற்றும் சீரகம் ஆகியவை கொண்டு கிச்சடிக்கு தாளிப்பு கொடுக்கப்படுகிறது. இது ஃபிளேவரை அதிகரிப்பது மட்டுமல்லாமல் செரிமானத்தையும், மெட்டபாலிசத்தையும் அதிகரிக்கிறது.

பாலக் கறி 

இந்த சூப்பர் ஃபுட் ரத்த ஓட்டத்தை மேம்படுத்தி, நோய் எதிர்ப்பு சக்தியை அதிகரித்து, ஆற்றலை ஊக்குவிக்கிறது. கீரையில் உள்ள இரும்புச்சத்து, கால்சியம், ஃபோலேட் மற்றும் வைட்டமின்கள் A, C மற்றும் K ஆகியவை நமது உடலுக்கு தேவையான ஊட்டச்சத்துக்கள். இதில் உள்ள தாவர அடிப்படையிலான இரும்புச்சத்து நமக்கு நிலையான ஆற்றலை கொடுத்து, ரத்தசோகை ஏற்படாமல் தடுக்கிறது.

இதையும் படிக்கலாமே: பாதாம் பருப்பு சாப்பிடுறது நல்ல விஷயம் தான்…. ஆனா இந்த தப்பை மட்டும் பண்ணிட்டா அதனால ஒரு பிரயோஜனமும் கிடைக்காது!!!

சன்னா மசாலா 

தாவர அடிப்படையிலான புரோட்டீன் மற்றும் நார்ச்சத்து நிறைந்த சன்னா மசாலா செரிமானம், ரத்த சர்க்கரை சீரமைப்பு மற்றும் உடல் எடை கட்டுப்பாடு ஆகியவற்றிற்கு உதவுகிறது. இந்த ஊட்டச்சத்து நிறைந்த உணவில் அதிக அளவு ஆன்டி-ஆக்சிடன்ட் இருப்பதால் இது நம்முடைய சருமத்தை மேம்படுத்தி, இதய ஆரோக்கியம் மற்றும் நோய் எதிர்ப்பு சக்தியை கவனித்துக் கொள்கிறது.

தயிருடன் பழங்கள் மற்றும் நட்ஸ் வகைகள் 

இந்த உணவு தகி என்று அழைக்கப்படுகிறது. இது பெரும்பாலும் மாம்பழம், பப்பாளி, பெர்ரி போன்ற பழ வகைகள் மற்றும் வால்நட் அல்லது பாதாம் போன்ற நட்ஸ் வகைகளால் செய்யப்படுகிறது. இந்த காம்பினேஷன் எலும்பு ஆரோக்கியத்தை மேம்படுத்தி, சருமத்தை மினுமினுப்பாக்கி, ஆரோக்கியமான குடல் நுண்ணுயிரிகள் சமநிலையை பராமரிக்க உதவுகிறது.

கவனத்திற்கு: எங்கள் இணையபக்கத்தில் பதிவிடப்படும் மருத்துவ குறிப்புகள், அழகு குறிப்புகள் மற்றும் உடல்நலம் சார்ந்த விஷயங்களை மருத்துவரின் ஆலோசனைக்கு பிறகே செய்து பார்க்க வேண்டும் என அறிவுறுத்துகிறோம்.