பேனா பிடித்து எழுவதால் உங்கள் ஆரோக்கியத்திற்கு கிடைக்கும் நன்மைகள்!!!

தொழில்நுட்பம் என்பது நம் வாழ்வில் இப்போது நாம் பார்க்கும் மற்றும் செய்யும் விதத்தை மாற்றியுள்ளது. தகவல்களைப் பெறுவது முதல் உலகம் மற்றும் நம்மைச் சுற்றியுள்ளவர்களுடன் தொடர்புகொள்வது வரை அனைத்தும் ஒரு தசாப்தத்திற்கு முன்பு இருந்ததைப் போல இப்போது இல்லை. தொழிநுட்பத்தின் வருகையால், மனிதர்கள் நாளுக்கு நாள் புதிய உயரங்களை எட்டி, பழையவற்றை மறந்து விடுகிறார்கள். இந்த பட்டியல் நீண்டு கொண்டே போகலாம். ஆனால் இங்கே நாம் எழுதுவதில் மட்டுமே கவனம் செலுத்துவோம். எழுதுவது மன அழுத்தத்தை குறைக்கும் சிறந்த நடவடிக்கைகளில் ஒன்றாகும் என்பதை யாரும் மறுக்க முடியாது. நரம்புகளை அமைதிப்படுத்துவதைத் தவிர, உங்களுக்குப் பிடித்த பேனாவைத் தேர்ந்தெடுத்து எழுதத் தொடங்குவதற்கு வேறு பல காரணங்கள் உள்ளன. அவற்றில் சில பின்வருமாறு:

மூளையைக் கூர்மைப்படுத்துகிறது:
எழுதும்போது உங்கள் மூளை மற்றும் கை இரண்டிற்கும் ஒரு வொர்க்அவுட் கிடைக்கிறது. தங்கள் மனதை சுறுசுறுப்பாகவும் கூர்மையாகவும் வைத்திருக்க விரும்புவோருக்கு இது சிறந்தது.

மனம் சார்ந்த முதுமையை தாமதப்படுத்துகிறது:
உடலின் மற்ற உறுப்புகளைப் போலல்லாமல், உங்கள் மூளை சுறுசுறுப்பாகவும் கூர்மையாகவும் இருக்க உதவலாம். வயதைக் கொண்டு, மக்கள் சில விவரங்களையும் தகவலையும் மறந்துவிடுகிறார்கள். மன முதுமையை தாமதப்படுத்த, நீங்கள் செய்ய வேண்டியது எல்லாவற்றையும் எழுதுவது தான். ஏனெனில் இது ஒருவர் தங்கள் நினைவகத்தைத் தக்கவைக்க உதவும் ஒரு சிறந்த கருவியாகும்.

படைப்பாற்றலை ஊக்குவிக்கிறது:
எழுதும்போது உங்கள் மனதில் அதிக கவனம் செலுத்துகிறது. நீங்கள் முதலில் எழுதத் தொடங்கும் போது விஷயங்கள் சற்று மந்தமாகத் தோன்றலாம், ஆனால் காலப்போக்கில், உங்கள் மூளை அதிக யோசனைகளை வெளிப்படுத்தும். மற்றொரு அம்சம் கையெழுத்து. இது உங்கள் தனித்துவத்தை வெளிப்படுத்தும் ஒரு வகையான கலை வடிவத்திற்கு குறைவானது அல்ல. ஏனெனில் கையால் எழுதுவது நமக்கான அடையாளத்தை அளிக்கிறது.

கவனச்சிதறலில் இருந்து பாதுகாக்கிறது:
இன்றைய தொழில்நுட்பம் என்பது வியக்கத்தக்க வகையில் புத்திசாலித்தனமாக இருந்தாலும், உங்கள் வேலைகளிலிருந்து உங்களைத் திசைதிருப்ப நேரத்தை உறிஞ்சும் ஒன்றாகவே இருக்கிறது. மூளையின் கவனத்தை சிதறவிடாமல் தடுப்பது கடினம். இந்த சூழ்நிலையிலிருந்து உங்களை காப்பாற்ற சிறந்த வழி, உங்கள் நோட்புக் அல்லது டைரியை உங்களின் புதிய சிறந்த நண்பராக்குவது. குறிப்பாக, ஏதேனும் தேர்வு மற்றும் போட்டிக்குத் தயாராக வேண்டியவர்கள். ஸ்மார்ட்போன்கள் அல்லது கணினிகளில் இருந்து தகவல்களை எடுத்து, பின்னர் அவற்றை எழுதவும்.

Views: - 324

0

0