அகமது படேலின் இறுதிச் சடங்கு..! ராகுல் காந்தி உள்ளிட்ட காங்கிரஸ் தலைவர்கள் பங்கேற்பு..!

26 November 2020, 1:34 pm
rahul_gandhi_updatenews360
Quick Share

காங்கிரஸ் மூத்த தலைவர் அகமது படேல் இன்று குஜராத்தின் பருச் மாவட்டத்தில் உள்ள தனது சொந்த கிராமமான பிரமனில் அடக்கம் செய்யப்பட்டார். 

கட்சியின் முக்கிய தலைவராகவும், சோனியா காந்தியின் நம்பிக்கைக்குரிய தளபதியாகவும் வலம் வந்த அகமது படேல் கொரோனா தொற்றுக்காக கடந்த அக்டோபர் 1 முதல் சிகிச்சை எடுத்து வந்தார். இந்நிலையில் நேற்று அதிகாலை மூச்சுத் திணறல் ஏற்பட்டு காலமானார்.

இந்நிலையில் அகமது படேலின் இறுதி சடங்கு இன்று அவரது சொந்த ஊரில் நடத்தப்பட்டது. காங்கிரஸ் தலைவர் ராகுல் காந்தி இதில் கலந்து கொண்டார்.

முன்னதாக படேலின் உடல் வதோதராவிலிருந்து அவரது சொந்த ஊரான பிரமனை அடைந்தன. அங்கு நூற்றுக்கணக்கான உள்ளூர்வாசிகள் மற்றும் காங்கிரஸ் தலைவர்கள் முன்னிலையில் அடக்கம் செய்யப்பட்டார். 

ராகுல் காந்தி தவிர, குஜராத் காங்கிரஸ் தலைவர் அமித் சாவ்தா, குஜராத் ஏ.ஐ.சி.சி பொறுப்பாளர் ராஜீவ் சதவ், மக்களவை காங்கிரஸ் தலைவர் ஆதீர் ரஞ்சன் சவுத்ரி, முன்னாள் முதலமைச்சர்கள் கமல்நாத் மற்றும் ஷங்கர்சிங் வாகேலா ஆகியோர் இறுதி சடங்கில் கலந்து கொண்டனர்.

அகமது படேல், காங்கிரஸ் இளைஞர் பிரிவில் தனது அரசியல் பயணத்தைத் தொடங்கினார் மற்றும் அவசரகாலத்திற்குப் பிறகு ஜனதா கட்சி காலத்தில் ஒரு சிறப்பான தலைவரானார். குஜராத்தின் பருச் நகராட்சியின் கவுன்சிலராக 25 வயதில் தேர்ந்தெடுக்கப்பட்ட அவர் சோனியா காந்தியின் அரசியல் செயலாளராக இருந்தார். கட்சிக்கும் அரசாங்கத்திற்கும் இடையிலான யுபிஏ-1 ஆட்சிக் காலத்தில் அவர் ஒரு பாலமாக இருந்தார்.

1977-1989’க்கு இடையில் மூன்று முறை மக்களவை மற்றும் 1993 முதல் மேலவையில் ஐந்து முறை காங்கிரஸை பிரதிநிதித்துவப்படுத்தியது குறிப்பிடத்தக்கது.

Views: - 0

0

0