வங்கிக் கடன் மோசடி..! பகுஜன் சமாஜ் கட்சி எம்எல்ஏ மீது சிபிஐ வழக்குப் பதிவு..!

19 October 2020, 6:55 pm
VINAY_SHANKAR_TIWARI_MLA_BSP_Updatenews360
Quick Share

754.25 கோடி ரூபாய் மதிப்புள்ள கடன் மோசடி தொடர்பாக உத்தரபிரதேசத்தைச் சேர்ந்த பகுஜன் சமாஜ் கட்சி எம்.எல்.ஏ வினய் சங்கர் திவாரி மற்றும் அவரது மனைவி ரீட்டா திவாரி மீது மத்திய புலனாய்வுப் பிரிவு வழக்கு பதிவு செய்துள்ளது. வங்கி மோசடியில் வி.எஸ். திவாரி அடங்கிய கங்கோத்ரி எண்டர்பிரைசஸ் நிறுவனம் சம்பந்தப்பட்டுள்ளதாக சிபிஐ இன்று தெரிவித்துள்ளது.

அதிகாலையில் இருந்து, லக்னோ, கோரக்பூர் மற்றும் நொய்டா உள்ளிட்ட உ.பி.யில் நான்கு இடங்களில் சிபிஐ தேடல்களைத் தொடங்கியது. கோரக்பூரின் சில்லுப்பர் கிராமத்தில் உள்ள திவாரி இல்லத்திலும், லக்னோவில் உள்ள நிறுவனத்தின் அலுவலகத்திலும் சிபிஐ குழுக்கள் தேடுதல் வேட்டையில் ஈடுபட்டது.

சிபிஐ கண்காணிப்பின் கீழ் இருக்கும் ராயல் எம்பயர் மார்க்கெட்டிங் என்ற மற்றொரு நிறுவனத்தின் வளாகத்தில் நொய்டாவிலும் சோதனைகள் மேற்கொள்ளப்படுகின்றன. கங்கோத்ரி எண்டர்பிரைசஸில் இயக்குநராக இருக்கும் அஜித் பாண்டேவின் இல்லத்திலும் சிபிஐ குழுக்கள் சோதனை மேற்கொண்டன. வி.எஸ்.திவாரி கோரக்பூரின் சக்தி வாய்ந்த அரசியல்வாதியும் முன்னாள் அமைச்சருமான ஹரிசங்கர் திவாரியின் மகன் ஆவார்.

கங்கோத்ரி எண்டர்பிரைசஸ் இயக்குநர்கள் வங்கி நிதியை முறைகேடாகப் பயன்படுத்தியதாகவும், கடன் எடுக்கப்பட்டதைத் தவிர வேறு நோக்கங்களுக்காக அதைத் திருப்பிவிட்டதாகவும் குற்றம் சாட்டப்பட்டுள்ளது. திவாரி மற்றும் அவரது மனைவி நிறுவனத்தின் முதல் இரண்டு பெரிய பங்குதாரர்கள் என்பது குறிப்பிடத்தக்கது.

எஃப்.ஐ.ஆரில் சில வங்கி அதிகாரிகளின் பெயர்களையும் பதிவு செய்துள்ளதாக சிபிஐ தெரிவித்துள்ளது. கடனை அழித்து, மோசடி நடக்க அனுமதித்த வங்கி அதிகாரிகள் விசாரணைக்கு அழைக்கப்படுவார்கள் என்று தகவலறிந்த வட்டாரங்கள் தெரிவித்தன.

கங்கோத்ரி எண்டர்பிரைசஸ் நிறுவனத்திற்கு வழங்கப்பட்ட கடன்கள் செயல்படாத சொத்தாக மாறியுள்ளதாக வங்கிகளின் கூட்டமைப்பு புகார் அளித்ததை அடுத்து, ஜூலை 2019’இல், கடன் மீட்பு தீர்ப்பாயம் திவாரி மற்றும் 33 பேரை வரவழைத்து விசாரித்தது குறிப்பிடத்தக்கது.

Views: - 27

0

0