கொரோனாவின் தாக்கம் அதிகம் உள்ள 4 மாநிலங்களுக்கு மத்திய குழு பயணம்..!!

20 November 2020, 8:57 am
state corona - updatenews360
Quick Share

புதுடெல்லி: கொரோனாவால் அதிகம் பாதிக்கப்பட்டள்ள 4 மாநிலங்களுக்கு மத்திய குழு பயணம் மேற்கொள்கிறது.

டெல்லியில் கொரோனா பாதிப்பு அதிகரித்து வரும் நிலையில், அதன் அண்டை மாநிலங்களில் சில மாவட்டங்களிலும் தொடர்ந்து பாதிப்பு அதிகரித்து வருகிறது. ஆகவே, கொரோனாவை கட்டுப்படுத்த அங்கு மத்திய குழுக்களை அனுப்பி வைக்க மத்திய சுகாதாரத்துறை அமைச்சகம் முடிவு செய்துள்ளது.

இதன்படி, டெல்லி எய்ம்ஸ் டைரக்டர் ரந்தீப் குலேரியா தலைமையிலான 3 பேர் கொண்ட குழு, அரியானா மாநிலத்துக்கு செல்கிறது. நிதி ஆயோக் உறுப்பினர் டாக்டர் வி.கே.பால் தலைமையிலான குழு ராஜஸ்தானுக்கும், டாக்டர் எஸ்.கே.சிங் தலைமையிலான குழு, குஜராத்துக்கும், டாக்டர் எல்.சுவஸ்திசரண் தலைமையிலான குழு மணிப்பூருக்கும் செல்ல உள்ளது.

கொரோனா அதிகம் பாதித்துள்ள மாநிலங்களில் கொரோனா பாதிப்பு நிறைந்த மாவட்டங்களுக்கு சென்று, தடுப்பு நடவடிக்கைகளை வலுப்படுத்துவது குறித்து மாநில அரசுகளுக்கு இக்குழுக்கள் ஆலோசனை வழங்கும் என தெரிவிக்கப்பட்டுள்ளது.

Views: - 0

0

0