கிருஷ்ணரை அவமதித்து ஓவியம் வெளியிட்ட இஸ்லாமியர்..! இஸ்கான் அமைப்பு புகார்..! அசாம் அமைச்சர் ரியாக்ஷன்..!

17 August 2020, 3:31 pm
Akram_Hussains_Krishna_UpdateNews360
Quick Share

பகவான் கிருஷ்ணரின் போதனைகளை உலகம் முழுவதும் பரப்பும் இஸ்கான் அமைப்பு, அசாம் மாநிலத்தைச் சேர்ந்த கலைஞர் அக்ரம் ஹுசைன், கிருஷ்ணரை சர்ச்சைக்குரிய வகையில் தீட்டியதற்காக, அவர் மீது நடவடிக்கை எடுக்கக் கோரி ட்விட்டரில் பதிவிட்டது. 

2015’ம் ஆண்டு, அக்ரம் ஹுசைன் வெளியிட்ட கலைப்படைப்புகள், மீண்டும் தற்போது ட்விட்டரில் வெளியான பிறகு, இஸ்கான் அசாம் முதல்வர் சர்பானந்தா சோனோவால் மற்றும் மாநில சுகாதார மற்றும் கல்வி அமைச்சர் ஹிமந்தா பிஸ்வா சர்மா ஆகியோரிடம், ஓவியர் மற்றும் அவரது படைப்புகளின் மீது கடுமையான நடவடிக்கைகளைத் எடுக்கக் கேட்டுக்கொண்டது.

பிகினி உடையணிந்த பெண்களால் சூழப்பட்ட இந்து கடவுளான விஷ்ணுவின் எட்டாவது அவதாரமாக வணங்கப்படும் இந்து கடவுளில் ஒருவரான பகவான் கிருஷ்ணர் ஓவியத்தை அக்ரம் ஹுசைன் 2015’ல் வெளியிட்டார். 

கடந்த வாரம் கிருஷ்ண ஜெயந்தியை முன்னிட்டு, சமூக ஊடகத்தில் கிருஷ்ணரை அவமதிக்கும் வகையில் வெளியிடப்பட்ட பதிவிற்கு, பெங்களூரைச் சேர்ந்த நவீன் எதிர்வினையாற்றினார். இதனால் இஸ்லாமிய கும்பல் ஒன்று வன்முறைத் தாக்குதலில் ஈடுபட்ட நிலையில், தற்போது சமூக ஊடகங்களில் வைரலாகும் அக்ரம் ஹுசைன் ஓவியம், நெட்டிசன்களிடையே கோபத்தைக் கிளறியுள்ளது.

மத உணர்வுகளை புண்படுத்தியதற்காக அக்ரம் உசேன் மீது 2015 ல் எஃப்.ஐ.ஆர்
எனினும், அக்ரம் ஹுசைன் வரைந்த இந்த குறிப்பிட்ட ஓவியம், பெரிய எதிர்ப்பை சந்தித்தது இந்து முதல் முறை அல்ல.

இந்து கடவுளை கேலி செய்யும் மூர்க்கத்தனமான கலைப்படைப்பு, ஏப்ரல் 2015’இல் வெளியிடப்பட்ட சமயத்திலேயே, இந்து அமைப்புகளின் கோபத்தை எதிர்கொண்டது. இந்துக்களின் மத உணர்வுகளை புண்படுத்தியதற்காக அக்ரமுக்கு எதிராக இந்து ஜாக்ரன் மஞ்ச், குவஹாத்தியில் உள்ள லத்தாசில் காவல் நிலையத்தில் வழக்கு பதிவு செய்திருந்தது.

ஏப்ரல் 2015’இல், அக்ரம் ஹுசைனின், மது பாட்டில்கள் மற்றும் உள்ளாடைகளை அணிந்த பெண்களுடன் காட்சி தரும் பகவான் கிருஷ்ணனின் ஓவியம், அசாம் மாநில கலைக்கூடத்தில் ஒரு குழு கண்காட்சியில் காட்சிக்கு வைக்கப்பட்டது.

அகில இந்திய தேசபக்தி மன்றத்தின் அசாம் கிளை, கலை சுதந்திரம் என்ற பெயரில் மக்களின் உணர்வுகளை அவமதிக்கும் செயலைக் கண்டித்துள்ளது.

அமைச்சர் ஹிமந்தா பிஸ்வா சர்மா இஸ்கானுக்கு பதிலளித்தார்
இந்நிலையில் இஸ்கான் எழுப்பிய கவலைகளைத் தொடர்ந்து, அசாம் அமைச்சர் ஹிமந்தா பிஸ்வா சர்மா, இந்த பிரச்சினை ஏற்கனவே தீர்க்கப்பட்டதாகவும், தற்போது கலைக்கூடத்தில் இதுபோன்ற படங்கள் எதுவும் இல்லை என்றும் பதிலளித்தார்.

இதையடுத்து அசாம் அமைச்சர் அளித்த பதிலுக்கு இஸ்கான் நன்றி தெரிவித்துள்ளது.