வாட்டும் வறுமை..! கராத்தே தேசிய சாம்பியன் அரிசி பீர் விற்கும் அவலம்..!

18 October 2020, 8:04 pm
Bimla_Munda_Rice_Beer_Handia_UpdateNews360
Quick Share

34’வது தேசிய விளையாட்டுப் போட்டிகளில் வெள்ளி உட்பட பல பதக்கங்களை வென்ற தேசிய கராத்தே சாம்பியன் பிம்லா முண்டா, தனது வயதான பெற்றோருக்கு உதவவும், தினசரி வயிற்று பிழைப்புக்காகவும் ஹாண்டியா எனும் அரிசி பீர் விற்க வேண்டிய கட்டாயத்திற்கு தள்ளப்பட்டுள்ளது அதிர்ச்சியை ஏற்படுத்தியுள்ளது.

பிளாக் பெல்ட் வைத்திருப்பவரான முண்டா, தனது தாயார் தினசரி கூலித் தொழிலாளியாகப் பணியாற்றுவதாகக் கூறினார். ஆனால் தள்ளாத வயது மற்றும் மோசமான உடல்நிலை காரணமாக வேலைக்கு செல்வதை நிறுத்திவிட்டார். அதைத் தொடர்ந்து அவர் தனது குடும்பத்தை ஆதரிப்பதற்காக வேலையை ஏற்க வேண்டியிருந்தது.

கணக்கு பாடத்தில் பட்டம் பெற்ற 26 வயதான முண்டா, கராத்தே மீது ஆர்வம் கொண்டவர். அவர் 5’ஆம் வகுப்பு படித்த போது கராத்தே கற்றுக் கொள்ள ஆரம்பித்தார். 2008’ஆம் ஆண்டில் முதல் போட்டியை விளையாடி, மாவட்ட அளவிலான போட்டிகளில் தனது முதல் பதக்கத்தை பெற்றார். 2009’ஆம் ஆண்டில், கராத்தே சங்கம் ஏற்பாடு செய்த ஒரு போட்டியில் தங்கம் மற்றும் வெள்ளி இரண்டையும் பெற்றார்.

முண்டா தனது வீட்டில் பல பதக்கங்களை வைத்திருப்பதாகவும், அவற்றைப் பாதுகாப்பாக வைத்திருக்க சரியான இடம் இல்லை என்றும், எனவே அவற்றில் பெரும்பாலானவை முறையான கவனிப்பு இல்லாததால் உடைந்து போகின்றன அல்லது நிறமாற்றம் அடைகின்றன என்றும் கூறினார்.

“2011’ஆம் ஆண்டில் ஜார்க்கண்டில் ஏற்பாடு செய்யப்பட்ட 34’வது தேசிய விளையாட்டுப் போட்டிகளில் நான் வெள்ளிப் பதக்கம் வென்றேன். 2014’இல் நடந்த அக்‌ஷய் குமார் சர்வதேச கராத்தே சாம்பியன்ஷிப்பின் போது இரண்டு தங்கப் பதக்கங்களையும் பெற்றேன்” என்று முண்டா கூறினார். 

ஒரு நாள் தனக்கு மாநில அரசு உதவித் தொகை அல்லது வேலை கிடைக்கும் என்று எதிர்பார்த்து தன்னலமின்றி விளையாடிக் கொண்டிருந்தாலும், தன்னுடைய வாழ்க்கையில் அப்படி எதுவும் நடக்கவில்லை என்று அவர் மேலும் கூறினார்.

“கராத்தே சாம்பியன் முண்டா தனது சான்றிதழ்களைப் பார்த்து ஏக்கம் அடைந்தார். அவர் தனது சாதனைகளைப் பற்றி பெருமிதம் கொள்கிறார், ஆனால் காலப்போக்கில், அவர் யதார்த்தத்தை எதிர்கொள்ளும்படி செய்யப்பட்டார். இறுதியாக, அவர் அனைத்து பதக்கங்களையும் சான்றிதழ்களையும் ஒரு பெட்டியில் வைத்து விட்டு, ஹாண்டியாவை விற்கும் வேலையை எடுத்துக் கொண்டார்.” என அவரது தாய் கூறினார்.

“குடும்பத்தின் மோசமான நிதி நிலைமைகள் காரணமாக, எனது குடும்பத்தின் செலவுகளை எதிர்கொள்ள இந்த வணிகத்தைத் தொடங்க நான் கட்டாயப்படுத்தப்பட்டேன்.” என்று முண்டா கூறினார்.

முண்டா தனது தாய் மற்றும் தாய்வழி தாத்தாவுடன் வசிக்கிறார். “என் குழந்தைகளுக்கு கல்வியைக் கொடுக்க நான் தினசரி கூலித் தொழிலாளியாக கடுமையாக உழைக்க வேண்டியிருந்தது, ஆனால் உடல்நிலை சரியில்லாததால், நான் அதை விட்டு வெளியேற வேண்டியிருந்தது. இப்போது, ​​ஹாண்டியாவை விற்பனை செய்வதன் மூலம் அவர்களின் தேவைகளை பூர்த்தி செய்ய முயற்சிக்கிறேன்.” என்று அவரது தாயார் சோமாரி கூறினார்.

பிம்லா முண்டா மாநில அரசிடமிருந்து எந்தவொரு நிதி உதவியையும் விரும்பவில்லை. ஆனால் ஆட்சேர்ப்பு பணியை விரைவுபடுத்த விரும்புகிறார். இதன் கீழ் மாநிலத்திற்காக பதக்கங்களை வென்ற 264 விளையாட்டு வீரர்களில் 33 பேர் 2019’ஆம் ஆண்டில் அரசு வேலைகளில் நேரடி ஆட்சேர்ப்புக்கு தேர்வு செய்யப்பட்டனர்.

“மாநிலத்திற்கு பதக்கங்களைப் பெற்ற விளையாட்டு வீரர்களை நேரடியாக ஆட்சேர்ப்பு செய்வதாக முந்தைய அரசாங்கம் அறிவித்த பின்னர் நாங்கள் நம்பிக்கையுடன் இருந்தோம். ஆனால் இது தொடர்பாக எந்த முயற்சியும் எடுக்கப்படவில்லை.” என முண்டா தெரிவித்தார். ஜார்கண்டில் உள்ள எந்தவொரு அரசாங்கத்தின் முன்னுரிமை பட்டியலில் விளையாட்டு வீரர்கள் எப்போதும் கீழே உள்ளனர் என்று அவர் மேலும் கூறினார்.

இதற்கிடையில், இன்று உள்ளூர் பத்திரிகையாளர் இது குறித்து முதலமைச்சர் ஹேமந்த் சோரனுக்கு ஒரு டிவீட்டில் குறிப்பிட, அவர் பதிலுக்கு மாநில அரசின் புதிய விளையாட்டுக் கொள்கையை அமல்படுத்துவதன் மூலம் விளையாட்டு வீரர்களின் எதிர்காலம் நிச்சயமாக மேம்படும் என்று கூறினார்.

மேலும் விளையாட்டு செயலாளரின் ஒருங்கிணைப்புடன் சகோதரி பிம்லா முண்டாவுக்கு உடனடி உதவியை வழங்கவும் முதல்வர் சோரன் தனது ட்விட்டர் பக்கம் மூலம் துணை ஆணையர் ராஞ்சிக்கு உத்தரவிட்டார்.

Leave a Reply