சாலையில் முந்திச் செல்வதில் தகராறு..! தொழிலதிபரின் கோபத்தால் பறிபோன இளைஞன் உயிர்..!

By: Sekar
12 October 2020, 5:01 pm
Anil_Thakur_UpdateNews360
Quick Share

பஞ்சாபின் ஷிராக்பூரில் கடந்த வெள்ளிக்கிழமை இரவு நடந்த ஒரு சாலை மோதல் சம்பவத்தில் தலையிட்ட 35 வயது நபர் சுட்டுக் கொல்லப்பட்ட சம்பவம் அதிர்ச்சியை ஏற்படுத்தியுள்ளது. 
பலியானவர் இமாச்சல பிரதேசத்தின் மண்டி மாவட்டத்தைச் சேர்ந்த அனில் தாக்கூர் என அடையாளம் காணப்பட்டுள்ளார்.

அவர் தனது குடும்பத்தினருடன் காரரில் உள்ள டான் கிராமத்தில் வசித்து வந்தார். அவர் லிஃப்ட் பழுதுபார்ப்பு பணிகளை செய்து வந்துள்ளார். மேலும் அவரை நம்பி மனைவி மற்றும் 10 மாத மகன் உள்ளனர்.

செக்டர் 26’இல் உள்ள ஒரு டிஸ்கோ கிளப்பில் வினயின் பிறந்தநாள் விழாவைக் கொண்டாடிய பின்னர், சண்டிகர்-அம்பாலா நெடுஞ்சாலையில் இரவு உணவிற்காக இருவரும் ஒரு தபாவுக்குச் சென்றதாக தாகூரின் நண்பர் வினய் தெரிவித்தார்.

அனில் தனது ஹோண்டா ஆக்செண்டில் வீட்டிற்குப் புறப்பட்டார். அதே நேரத்தில் சிராக்பூரில் உள்ள விஐபி சாலையில் ஒரு நண்பரை இறக்கி விட வினய் மற்றும் அர்மன் மற்றும் அமன் உள்ளிட்ட பலர் டொயோட்டா பார்ச்சூனரில் புறப்பட்டனர்.

அதிகாலை 1.30 மணியளவில் அவர்கள் திரும்பிச் செல்லும்போது, ​​வினய் மற்றும் அவரது நண்பர்கள் சிங்புரா கிராசிங் அருகே வந்தபோது, ​மற்றொரு பார்ச்சூனர் எஸ்யூவி சாலையின் நடுவில் ஒரு ஜிக்ஜாக் முறையில் இயக்கப்பட்டு இவர்களை கடந்து செல்ல விடாமல் தடுத்ததாகக் கூறப்படுகிறது.

வினய் தான் மரியாதையாகக் கூறினாலும், முன்னே சென்ற வண்டியை ஓட்டிய ஹேப்பி ப்ரார் என அடையாளம் காணப்பட்ட ஓட்டுநர் அவரை முன்னோக்கி செல்ல மறுத்துவிட்டார். இது இருவருக்கும் இடையே கடுமையான வாதங்களுக்கு வழிவகுத்தது. ப்ரார் ஒரு பெண் மற்றும் இரண்டு நண்பர்களுடன் இருந்ததாக போலீசார் தெரிவித்தனர். ஆனால் வினய் எப்படியோ முன்னே சென்ற வாகனத்தை முந்தியுள்ளார்.

இதனால் கட்டுப்படைந்த ஹேப்பி ப்ரார் விஐபி சாலையில் உள்ள ஒரு பீஸ்ஸா கடைக்கு அருகில் வினயின் வாகனத்தை துரத்திச் சென்று தடுத்து நிறுத்தியதாகக் கூறப்படுகிறது. இதற்கிடையில் வினய் தாக்கூருக்கு ஒரு தொலைபேசி அழைப்பு விடுத்தார். அதே நேரத்தில் ப்ராரும் தனது நண்பர்களை அழைத்தார். அவர்கள் மாருதி ஸ்விஃப்ட் காரில் வந்தார்கள்.

இரு குழுக்களும் ஒருவருக்கொருவர் வாக்குவாதத்தில் ஈடுபட்டிருந்தன, ப்ரார் ஒரு .12 எம்எம் துப்பாக்கியை வெளியே எடுத்து, மூன்று தோட்டாக்களை தாக்கூரின் மார்பு மற்றும் வயிற்றில் செலுத்தியதாகக் கூறப்படுகிறது. தாகூரை ரத்த வெள்ளத்தில் விட்டுவிட்டு பிராரும் அவரது கூட்டாளிகளும் தப்பி ஓடிவிட்டனர். 

இந்நிலையில் தாக்கூர் பரிதாபமாக உயிரிழந்தார். இதையடுத்து காவல்துறை விசாரணை நடத்தி, பஞ்சாபில் ஃபரிட்கோட்டைச் சேர்ந்த தொழிலதிபர் ஹேப்பி பிரார் மற்றும் ஒரு பெண் உட்பட ஏழு பேர் மீது வழக்கு பதிவு செய்துள்ளது.

Views: - 50

0

0