அகமதாபாத் மினி பாகிஸ்தானா..? சிவசேனா எம்பி சஞ்சய் ராவத் ஒப்பீட்டால் சர்ச்சை..! குஜராத் பாஜக கண்டனம்..!

7 September 2020, 12:44 pm
Sanjay_Raut_UpdateNews360
Quick Share

அகமதாபாத்தை மினி பாகிஸ்தான் என்று குறிப்பிட்டதற்காக சிவசேனா எம்.பி. சஞ்சய் ராவத் மன்னிப்பு கேட்க வலியுறுத்தியுள்ளதுடன், ராவத் குஜராத்தை அவதூறு செய்துள்ளார் என்றும் விமர்சித்துள்ளது.

குஜராத் பாஜக செய்தித் தொடர்பாளர் பாரத் பாண்ட்யா, ராவத் தனது கருத்துக்கு குஜராத், அகமதாபாத் மற்றும் அம்தாவாடிஸ்களிடம் மன்னிப்பு கேட்க வேண்டும் என்று கூறினார்.

நேற்று செய்தியாளர்களிடம் பேசிய ராவத், நடிகர் கங்கனா ரனவத்துக்கு அகமதாபாத்தை மினி பாகிஸ்தானுடன் ஒப்பிட்டுக் கூற தைரியம் உள்ளதா என்று கேள்வி எழுப்பியிருந்தார்.

“மும்பையை மினி பாகிஸ்தான் என்று அழைத்ததற்காக அந்த பெண் மும்பை மற்றும் மகாராஷ்டிராவிடம் மன்னிப்பு கேட்டால், நான் அதைப் பற்றி யோசிப்பேன். அகமதாபாத்தைப் பற்றியும் சொல்ல அவருக்கு தைரியம் இருக்கிறதா?” என செய்தியாளர்களிடம் பேசியபோது ராவத் கூறியிருந்தார்.

இது காந்திஜி மற்றும் சர்தார் படேலின் குஜராத் ஆகும். சர்தார் படேல் 562 ராஜ்யங்களை ஒன்றிணைப்பதன் மூலம் இந்தியாவின் ஒற்றுமையையும் ஒருமைப்பாட்டையும் வலுப்படுத்தியுள்ளார் என்று அவர் மேலும் கூறினார்.

காஷ்மீரை இந்தியாவின் ஒருங்கிணைந்த பகுதியாக மாற்ற வேண்டும் என்ற படேலின் கனவு குஜராத்தைச் சேர்ந்த பிரதமர் நரேந்திர மோடி மற்றும் உள்துறை அமைச்சர் அமித் ஷா ஆகியோரால் நிறைவேற்றப்பட்டுள்ளது என்று பாண்ட்யா மேலும் தெரிவித்தார்.

“எனவே, கடந்த காலத்திலும் நிகழ்காலத்திலும் இந்தியாவின் ஒற்றுமை மற்றும் ஒருமைப்பாட்டிற்கு குஜராத்தின் பங்களிப்பு நினைவில் கொள்ளப்பட வேண்டும்” என்று அவர் கூறினார்.

Views: - 0

0

0