தீபாவளிக்கு சரவெடி வெடிக்க தடை: உச்ச நீதிமன்றம் அதிரடி உத்தரவு..!

Author: kavin kumar
29 October 2021, 10:03 pm
Quick Share

டெல்லி: நாடு முழுவதும் சரவெடிக்கு உச்சநீதிமன்றம் இடைக்கால தடை விதித்துள்ளது.

நாடு முழுவதும் வருகின்ற நவம்பர் 4ஆம் தேதி தீபாவளி பண்டிகை கொண்டாடப்படவுள்ளது. அதனால் பல மாநில அரசுகள் பட்டாசு வெடிப்பதற்கு சில கட்டுப்பாடுகளை விதித்து வருகிறது. குறிப்பாக காற்று மாசு காரணமாக இந்த கட்டுப்பாடுகள் விதிக்கப்படுகின்றன. அதுமட்டுமல்லாமல் பண்டிகை காலங்களில் கொரோனா பரவும் அபாயம் இருப்பதால் சில கட்டுப்பாடுகள் விதிக்கப்பட்டு வருகிறது. இந்நிலையில் பட்டாசுக்கு தடைகோரியும், பட்டாசு வெடிக்க கூடுதல் நேரம் அளிக்க கோரியும் தனித்தனியே உச்ச நீதிமன்றத்தில் மனு தாக்கல் செய்யப்பட்டது. மேற்கண்ட மனுக்கள் இன்று நீதிபதி எம்.ஆர்.ஷா தலைமையிலான அமர்வு முன் விசாரணைக்கு வந்தபோது, விதிமீறி பட்டாசுகள் உற்பத்தி செய்யப்படவில்லை என்றும், பசுமை பட்டாசுகளே தயாரிக்கப்படுவதாக கூறிய உற்பத்தியாளர்கள் தரப்பு பட்டாசுக்கு தடை விதிக்கக்கூடாது என்று வாதிட்டது.

அப்போது இடையிட்ட நீதிபதி, பட்டாசு உற்பத்தியில் பல்வேறு விதிமீறல்கள் நடந்திருப்பதாக கூறினார். மேலும், ”வெடிப்பொருள்களில் குறிப்பாக சரவெடிகளையும், போரியம் நைட்ரேட் கொண்டு தயாரிக்கப்படும் பட்டாசுகளையும் தயாரிக்கவும், விற்கவும் தடை விதிக்கப்படுகிறது” என்று நீதிபதி உத்தரவிட்டார். மேலும், சரவெடிக்கு எதிராக விதிக்கப்பட்டுள்ள உத்தரவை ஊடகங்கள், செய்தி இணையதளங்கள் வாயிலாக மாநில அரசுகள் விளம்பரம் படுத்தவேண்டும் என்றும் பட்டாசு தொடர்பான இந்த உத்தரவை அனைத்து மாநிலங்களும் கட்டாயம் கடைபிடிக்க வேண்டும் என்றும் நீதிபதி ஆணையிட்டார்.உத்தரவை மீறி பட்டாசு வெடிக்கப்பட்டால் அந்தந்த மாநில காவல்துறையே அதற்கு பொறுப்பேற்க வேண்டும் என்றும் நீதிபதி கண்டிப்பான உத்தரவை பிறப்பித்துள்ளார்.

Views: - 341

0

0