குளோன் செய்யப்பட்ட காசோலைகள் மூலம் அரசுக்கே தண்ணி காட்டிய கொள்ளையர்கள்..! மடக்கிப் பிடித்தது போலீஸ்..!

20 August 2020, 6:52 pm
Police_Enquiry_UpdateNews360
Quick Share

லக்னோவின் விபூதி காண்ட் பகுதியில் நேற்று இரவு அரசு மற்றும் அரசு சாரா நிறுவனங்களின் வங்கிக் கணக்குகளில் இருந்து காசோலையை குளோனிங் செய்து மோசடியாக பணத்தைச் சுரண்டிய கும்பலின் உறுப்பினர் ஒருவர் கைது செய்யப்பட்டதாக உத்தரபிரதேச சிறப்பு பணிக்குழுவின் (யுபி எஸ்.டி.எஃப்) போலீஸ் அதிகாரிகள் தெரிவித்தனர்.

இந்த கும்பல் மாநிலத்தின் பல்வேறு நகரங்களிலும், பிற மாநிலங்களிலும் செயல்பட்டு வருவதாக அதிகாரிகள் மேலும் தெரிவித்தனர்.

அந்த கும்பலின் உறுப்பினரான ஜான்பூரைச் சேர்ந்த அரவிந்த் திவாரி எனும் நபர் கைது செய்யப்பட்டார். ஆனால் மற்ற மூன்று முக்கிய உறுப்பினர்களான சதாப் அன்வர் ஷேக், அஷ்ரப் ஆலம் கான் மற்றும் மனிஷ் மௌரியா மற்றும் அவர்களது கூட்டாளிகள் இன்னும் கைது செய்யப்படவில்லை என்று யுபி எஸ்.டி.எஃப் காவல்துறை இன்ஸ்பெக்டர் ஜெனரல் கூறினார் அமிதாப் யாஷ் கூறினார்.

ஜூலை மாதம் நான்கு காசோலைகளை குளோன் செய்வதன் மூலம் உத்தரபிரதேச அதிவேக நெடுஞ்சாலை தொழில்துறை மேம்பாட்டு ஆணையத்தின் (யுபிஇஐடிஏ) வங்கிக் கணக்கிலிருந்து கிட்டத்தட்ட 40 லட்சம் ரூபாயை அந்த கும்பல் எடுத்துள்ளது. யுபிஇஐடிஏ கணக்கு வைத்துள்ள பாங்க் ஆப் பரோடாவின் விபூதி காண்ட் கிளையின் தலைமை மேலாளர் ஆகஸ்ட் 8’ஆம் தேதி விபூதி காண்ட் காவல் நிலையத்தில், இது தொடர்பாக எஃப்.ஐ.ஆர் பதிவு செய்தார்.

டாக்டர் சகுந்தலா மிஸ்ரா தேசிய புனர்வாழ்வு பல்கலைக்கழகம் மற்றும் உத்தரபிரதேச மாநில ஆயுஷ் சொசைட்டி ஆகியவற்றின் வங்கிக் கணக்குகளை இதேபோல் குளோன் செய்ததாகவும் ஆனால் அவற்றை அழிக்கத் தவறியதாகவும் மற்றொரு எஸ்.டி.எஃப் அதிகாரி கூறினார். கடந்த சில ஆண்டுகளாக இந்த கும்பல் செயல்பட்டு வருவதாகவும், அதே முறையைப் பயன்படுத்தி சில அரசு மற்றும் அரசு சாரா நிறுவனங்களின் வங்கிக் கணக்குகளில் இருந்து பணம் எடுத்திருக்கலாம் என்றும் சந்தேகிக்கப்படுகிறது என்றார்.

ஆகஸ்ட் 1, 2013 முதல் இந்திய ரிசர்வ் வங்கியால் செயல்படுத்தப்பட்ட காசோலை துண்டிப்பு முறைமை (சி.டி.எஸ்) அல்லது காசோலைகளின் பட அடிப்படையிலான தீர்வு முறை ஆகியவற்றில் உள்ள ஓட்டைகளை பயன்படுத்தி கும்பல் பணத்தைச் சுரண்டியது என்று எஸ்.டி.எஃப் அதிகாரி கூறினார்.

மோசடி செய்தவர்கள் குளோன் செய்யப்பட்ட காசோலைகளின் படங்களை பயன்படுத்தினர். அவை வங்கி, கணக்கு வைத்திருப்பவர்கள், கணக்கு எண், காசோலை எண் மற்றும் கேள்விக்குரிய கணக்கில் உள்ள இருப்பு பற்றிய சரியான விவரங்களை எடுத்துச் சென்றதால் அவற்றை டிஜிட்டல் முறையில் கண்டறிய முடியவில்லை.