திடீரென செயலிழக்கும் சில ரெட்மி தொலைபேசிகள்! காரணம் என்ன? நிறுவனத்தின் பதில் என்ன?

16 November 2020, 3:03 pm
Some Redmi phones are crashing, the company said - a new update will be released soon
Quick Share

உங்கள் ரெட்மி ஸ்மார்ட்போனும் ஏர்டெல் சிம் கார்டுடன் செயலிழந்துவிட்டதா? அனைத்து ரெட்மி தொலைபேசிகளிலும் இந்த சிக்கல் இல்லை என்றாலும், பல பயனர்கள் தங்கள் சியோமி ரெட்மி ஸ்மார்ட்போன்கள் ஏர்டெல்லின் சிம் கார்டுடன் செயலிழந்து வருவதாக புகார் தெரிவித்துள்ளனர். ரெட்மியின் தொலைபேசியில் ஏர்டெல்லின் சிம் வைக்கப்பட்டவுடன் தொலைபேசி தொடர்ந்து மீண்டும் ரீஸ்டார்ட் ஆவதாக பயனர்கள் கூறுகின்றனர்.

இந்த பிரச்சினை தெரிய வந்த பிறகு, சமூக ஊடகங்களில் மக்கள் சியோமி மற்றும் ஏர்டெல் நிறுவனங்களுக்கு எதிராக கடுமையாக விமர்சித்தனர். ஏர்டெல்லின் ஒரு அறிக்கை, சியோமியிடமிருந்துதான் பிரச்சினை என்று தெரிவித்தது. 

ஏர்டெல் ஆப்-இல் ஏற்பட்ட பிழை காரணமாக ரெட்மியின் தொலைபேசிகள் செயலிழப்பதாக பல பயனர்கள் கூறியுள்ளனர். போகோ தொலைபேசிகளிலும் இந்த சிக்கல் வருவதாக பல பயனர்கள் கூறியுள்ளனர். அதே நேரத்தில், ஏர்டெல் அல்லாத பல பயனர்களுக்கும் இதே போன்ற பிரச்சினைகள் இருப்பதாக தெரிவிக்கப்படுகிறது.

ஏர்டெல் கூறியது என்ன? 

புகார் வெளிவந்த பின்னர், ஏர்டெல் ஒரு அறிக்கையில், சியோமியும் ஏர்டெல்லும் இந்தப் பிரச்சினையைப் பற்றி அறிந்து கொண்டதாகவும், இருவரும் சேர்ந்து தீர்வு காண முயற்சிப்பதாகவும் தெரிவித்தது. 36 மணிநேரத்தில் ஒரு புதிய புதுப்பிப்பை வெளியிடுவதாக நிறுவனம் உறுதியளித்துள்ள போதிலும், அதை சரிசெய்ய பயனர்கள் சேவை மையத்திற்குச் செல்லலாம் என்றும் சியோமி கூறியுள்ளது, அதே நேரத்தில் இரு நிறுவனங்களும் எதனால் இந்த பிரச்சினை ஏற்பட்டது என்பதாற்கான விளக்கத்தை வழங்கவில்லை.