டெஸ்ட் கிரிக்கெட்டில் 28… மொத்தம் 75 : 3 ஆண்டுகளுக்கு பின் விராட் கோலி செய்த சாதனை!!

Author: Udayachandran RadhaKrishnan
12 March 2023, 2:38 pm
Virat - Updatenews360
Quick Share

ஆஸ்திரேலியா – இந்தியா இடையேயான பார்டர் – கவாஸ்கர் கோப்பை டெஸ்ட் தொடர் நடைபெற்று வருகிறது.

4 போட்டிகள் கொண்ட டெஸ்ட் தொடரில் 2-1 என்ற கணக்கில் இந்தியா முன்னிலையில் உள்ள நிலையில் 4வது டெஸ்ட் தற்போது நடைபெற்று வருகிறது. இதில் முதல் இன்னிங்சில் ஆஸ்திரேலியா 480 ரன்கள் எடுத்துள்ளது.

முதல் இன்னிங்சில் இந்தியா தற்போது விளையாடி வருகிறது. இந்திய அணி தற்போதிய நிலவரப்படி 5 விக்கெட் இழப்பிற்கு 399 ரன்கள் எடுத்துள்ளது. இந்நிலையில், இப்போட்டியில் விராட் கோலி சதம் அடித்து அசத்தியுள்ளார்.

241 பந்துகளில் விராட் கோலி 100 ரன்கள் குவித்துள்ளார். கடைசியாக 2019-ம் ஆண்டு விராட் கோலி தனது டெஸ்ட் சதத்தை அடித்தார். அதன் பின்னர் 3 ஆண்டுகள் கழித்து விராட் கோலி இன்று டெஸ்ட் சதம் விளாசியுள்ளார்.

இது கோலியின் 28-வது டெஸ்ட் சதமாகும். இந்த சதத்தின் மூலம் ஒட்டுமொத்தமாக அனைத்து வகையான போட்டிகளில் மொத்தம் 75 சதத்தை விராட் கோலி குவித்தார்.

Views: - 299

0

0