ரத்ததானம் செய்தவருக்கு காலாவதியான ஜூஸ் பாக்கெட் : கோவை பிரபல தனியார் மருத்துவமனையில் அவலம்!!

கோவையில் பிரபல மருத்துவமனையில் ரத்த தானம் செய்த நபர் : காலாவதியான ஜூஸ் பாதிக்கப்பட்ட சம்பவம் அதிர்ச்சியை ஏற்படுத்தி உள்ளது.

கோவையில், அவிநாசி சாலையில் உள்ள உள்ள பிரபல கே.எம்.சி.ஹெச் என்ற தனியார் மருத்துவமனைல் ரத்த தானம் செய்தவருக்கு காலாவதியான ஜூஸ் வழங்கப்பட்டதாக தகவல் வெளியாகி உள்ளது.

இன்று ரத்த தானம் செய்த ஒருவர், அதன் பின் தானதாரர்களுக்கு வழங்கப்பட்ட ஜூஸ் பெட்டியை பெற்று உள்ளார். அதனை பார்த்த போது, அந்த ஜூஸ் 12.08.2025 அன்று காலாவதியாகி 24 நாட்கள் கடந்து இருந்தது தெரியவந்து உள்ளது.

இதுகுறித்து அந்த தானதாரர், நான் அந்த ஜூஸை அருந்திய பிறகு உடல்நிலை பாதிப்பு ஏற்பட்டு இருந்தால், அதே மருத்துவமனையில் சிகிச்சை பெற குறைந்தபட்சம் ரூ.50,000 வரை செலவு செய்ய வேண்டி இருக்கும்.

ஆனால், நான் கேள்வி எழுப்பிய போது மருத்துவமனை நிர்வாகம் உரிய விளக்கம் அளிக்கவில்லை என தெரிவித்து உள்ளார்.

இந்த சம்பவம், மருத்துவமனையில் வழங்கப்படும் உணவுப் பொருட்களின் தரம் குறித்து கேள்வி எழுப்பி உள்ளது. இந்த சம்பவம் குறித்து அதிகாரிகள் விசாரணை நடத்த வேண்டுமென கோரிக்கை எழுந்து உள்ளது.